ఈ పుట ఆమోదించబడ్డది
"సరియె మంచిది, మీరలు సలుపరాని
పనుల నియమించి మిము శ్రమపఱుప నేల?
నేనె స్వయముగ దూడను నెమకికొందు
కాన పల్లకి మోయుఁ ” డం చానతిచ్చె.
ఇట్లు వచియించి, పల్లకి నెక్కి కాఁపు
దారుణం బగు నాఁటిమధ్యాహ్న వేళ
చౌటిపఱ్ఱల, పొలముల, తోట దొడ్ల,
సందుగొందులఁ ద్రిప్పించె నందలంబు.
మండుటెండల మలమల మాడి మాడి
వేసటంబడి బోయలు గాసినొంది
"అయ్య ! మే మింక నొకయడు గైన నకట
మోప లే ” మని మొఱవెట్ట , కాఁపువాఁడు.
"అందలము మోయుపని మీది, ఆవుదూడ
రోయుపని నాది కావున బోయలార !
అందలము మీరు మోయుఁడి, ఆవుదూడ
వెదకికొందును నే" నని బదులు వలికె .
26
