పుట:మీగడతరకలు.pdf/19

వికీసోర్స్ నుండి
ఈ పుట ఆమోదించబడ్డది



చుఱుకుచుఱుకున నాతండు చూచి అనియె:
"నన్ను కేవలసామాన్యనరునిరీతి
మాటలాడెదు తారతమ్యంబు లేక ;
ఎవ్వరనుకొంటి? సేనానిఁ జువ్వె యేను."

“ అహహ ! మీర లంతటి మహామహు లటంచు
ఎఱఁగ కాడితి, నను క్షమియింపుఁడయ్య ”
అనుచు తెరువరి మెల్లన హయము డిగ్గి
శక్తి కొలఁదిని భటులకు సాయపడియె.

తోడనే వారు పథికుండు తోడుపడఁగ
ఎత్తి రవలీల దూల మువ్వెత్తు గాఁగ;
చెంత నిలుచుండె నడుమునఁ జేయివైచి
భూవరుం డన దళవాయి ఠీవి మెఱయ

అంత తెరువరి నవ్వుచు నతని కనియె
"అన్న! ఎపుడైన పని యున్న నన్ను పిలువుఁ;
డన్యుడను గాను, సర్వ సైన్యాధిపతిని,
నన్ను పిలుతురు 'వాషింగుట 'న్నటంచు."

11