ఈ పుట ఆమోదించబడ్డది
అల్పజంతువులు
సమరతలమున నోడి రాకొమరుఁ డొకడు
అరులు చెలరేఁగి తన్ను వెన్నంటి తఱుమ ,
వడిగఁ బరుగెత్తి యొక్క కారడవిఁ జేరి
వృక్షములచేయ నించుక విశ్రమించె.
బడలికలు వాయ నక్కింత తడ వతండు
నిద్రవో నెంచి చేలంబు నేలఁ బఱవ,
చీమలును సాలెపురుగులు చేరి, వాని
పాన్పుపై బ్రాకి చీకాకుపఱచె మిగుల.
మాలదైవము కటకటా ! ఏల కూర్చె
క్షుద్రజంతుల మనుజుల నిద్ర చెఱుప
శత్రువుల బాధ నెటులైన సైపవచ్చు,
వీని బాధల సైప నెవ్వానివశము ?
3
