స్నానం చేయించి శుభ్రంగా ఉంచుతారు. దానికి కొత్త గుడ్డ చుట్టి, భార్యతో పాటు కూర్చోబెడతారు. దేవుడిని పూజించి, మృతదేహం నుదుటిపైన ఆకారంలో తిరునామాలు పెడతారు. కొంత కుంకుమ రాసి, దీపం వెలిగిస్తారు. చనిపోయిన వారి నోటిలో సగం ఉడకబెట్టిన గుడ్డు ఉంచుతారు. అతనిని శ్మశాన వాటికకు నలుగురు వ్యక్తులు మోసుకువెళ్తారు. పాడెను మోసే వారందరూ స్నానం చేస్తారు. శవాన్ని స్మశానానికి తీసుకు వెళ్ళే దారిలో కనీసం మూడు రోడ్లు కలిసే చోట పాడెను దించుతారు. ఆ స్థలంలో శవంమీద కప్పిన గుడ్డలో కొంత బియ్యాన్ని విసిరివేస్తారు. పాడెను మోసేవారు తమ ప్రదేశాలను మార్చుకుంటారు. శ్మశాన వాటికకు చేరుకున్న తర్వాత మృతదేహాన్ని చితిపై ఉంచి, శవానికి ఆభరణాలు ఏవైనా ఉంటే వాటిని తొలగిస్తారు. అతను తన భుజంపై ఒక కుండలో నీరు పెట్టుకుని మూడుసార్లు శవం చుట్టూ తిరుగుతాడు. ప్రతి రౌండ్ పూర్తయినప్పుడు, కుండకు ఒక రంధ్రం తయారు చేయబడుతుంది. మూడో రౌండ్ పూర్తయిన వెంటనే, కొడుకు కుండను వదిలి వేస్తాడు. పెద్ద కొడుకు చితికి నిప్పు వెలిగిస్తాడు. తన చేతులతో నోటిని కొట్టుకుంటూ బావి వద్దకు పారిపోతాడు మరియు స్నానం చేస్తాడు. స్నానం చేసిన తర్వాత అందరూ మద్యం తీసుకుంటారు.
మూడవ రోజున ప్రారంభ పూజలు జరుపుకుంటారు. ఎముకలు మరియు బూడిదలో కొంత భాగాన్ని ఒక కుండలో భద్రపరుస్తారు. ఒక సమాధిని నిర్మించి ఆ కుండను సమాధి నిర్మాణం మధ్యలో పెడతారు. సమాధికి దారితీసే పైభాగంలో కుండలోను అమర్చి దానికి ఒక రంధ్రం చేస్తారు. ఆ రోజున నలుగురు సమీప బంధువులు ఆ స్థలంలో భోజనం చేస్తారు. ఈ వేడుకకు నిర్వాహకుడుగా వేరే ఇంటిపేరుకి చెందిన వ్యక్తి అయి ఉంటాడు. కాని, అతను అదే కులానికి చెందినవాడు అయి ఉంటాడు. ఈ కార్యక్రమం పూర్తయిన తరువాత వారు ఇంటికి వెళ్ళి మద్యం తీసుకుంటారు. పది రోజుల పాటు ఈ మైలను పాటిస్తారు. 11వ రోజు స్నానం చేసిన తరువాత ఈ మైల తొలగిపోతుంది. పదకొండవ రోజున అంతిమ సంస్కారాలు జరుపుకుంటారు మరియు ఈ కార్యక్రమానికి హాజరు కావాలని బంధువులు మరియు స్నేహితులందరినీ ఆహ్వానిస్తారు. ఆ రోజున గొర్రెలు లేదా మేకలను బలి ఇవ్వడం మంచిదని భావించి ఆ విధంగా చేస్తారు. మృతుడి భార్య గాజులను తీసి బావిలో విసిరి వేస్తుంది. బంగారు పుస్తె అయితే దానిని తీసుకుపోయి ఇంట్లో భద్రపరుస్తారు.7 అయితే అది మామూలు పుస్తె అయితే నీళ్ళలో పారేస్తారు. ఈ విధంగా ఈ కార్యక్రమం ముగుస్తుంది. సంవత్సరానికి ఒకసారి వ్యక్తి మరణించిన రోజున వారు సమాధి రంధ్రం ద్వారా కొంత పాలు పోస్తారు. చనిపోయిన వ్యక్తికి ఇష్టమైన పదార్థాలు కూడా వేస్తారు.
69
