మంగలి ఆడమనిషి గోళ్ళు తీస్తుంది, తీసిన తరువాత మళ్ళీ స్నానం చేయిస్తారు.
వరుస అయిన వాళ్ళు గోళ్ళు (వదిన, మరదలు, అత్త) తీసేప్పుడు ప్రక్కన కూర్చుంటారు. స్నానం చేసిన తరువాత అమ్మమ్మ ఇంటి తరుపున నుండి వచ్చిన చీరను కట్టిపిస్తారు.
పెరుమాండ్లకు తమ కుల అయ్యగారే పూజ నిర్వహిస్తారు. అంటే ఒక తాంబాలంలో కొన్ని బియ్యం పోసి, పెరుమాండ్లను చింతపండుతో పులికాపు చేసి బియ్యంలో నిల్చోపెడతారు. పులికాపు చేసిన తరువాత పెరుమాండ్లకు తెరువకి, తిరుచూర్ణంతో బొట్టు పెడతారు. అమ్మాయిని పెరుమాండ్ల పూజ ముందు కూర్చోపెట్టి అమ్మాయికి, అమ్మాయితోపాటు తల్లితండ్రులకు బొట్టు పెడతారు. మగవారికి '3' నామాలు, ఆడవారికి ఒక నామం పెడతారు.
తరువాత అమ్మమ్మ వాళ్ళు తెచ్చిన ఫలహారాలు ఒడిలో పెడతారు.
అమ్మమ్మ వాళ్ళు లేకపోతే తల్లిగారే పెడతారు. తల్లిపెట్టిన తరువాత మిగతా బంధుజనం అంతా తాము తెచ్చిన కొత్త వస్త్రాలు, ఫలహారాలు అమ్మాయి ఒడిలో ఆది ఆడవాళ్ళు మాత్రమే పెడతారు.
తరువాత గోష్ఠి కార్యక్రమం, వింధు భోజనంతో వేడుకలాగా చేస్తారు.3
7. వివాహం
మిత అయ్యల్వార్ల సమాజంలో ప్రబలంగా ఉన్న ఏకైక వివాహ వ్యవస్థ చర్చల ద్వారాnజరిగేది మాత్రమే. ఆడశిశువు పుట్టిన 21వ రోజున ఆచరించే బాల నిశ్చితార్థం అనే ఆచారం వీరిలో ఉంది. నిశ్చితార్థం చేసుకున్న వారితో వివాహం జరుపు కోవడానికి ఏదైనా ఇబ్బంది nఉంటే, వారు కూడా ఒప్పందం నుండి తప్పుకోవచ్చు. గతంలో శిశు వివాహాలు చాలా సాధారణం. కానీ అబ్బాయికి సాధారణ వివాహ వయస్సు 14 నుండి 18 సంవత్సరాలు కాగా, అమ్మాయికి 8 నుండి 10 సంవత్సరాల మధ్య ఉంది. 1961 జనాభా లెక్కల ప్రకారం, 0-14 సంవత్సరాల వయస్సులో 26 మంది పురుషులు మరియు 59 మంది స్త్రీలు వివాహం చేసుకున్నారు. ఈ సంఘంలోని అబ్బాయిలు వారి తల్లుల సోదరుల కుమార్తెలను వివాహం చేసుకుంటారు, ఎందుకంటే ఇది మాత్రమే అనుమతించదగిన భాగస్వామ్యం. వివాహాలకు ఏ ఇతర సంబంధం సరైనది కాదు. సాధారణంగా వివాహము వేరే ఇంటిపేరుగల వారితోన జరుగుతుంది. వివాహం చేసుకోవడానికి రక్త సంబంధీకులు లేకుంటే, వారు వారి ఇంటిపేరుకు చెందని వారిని వివాహం చేసుకుంటారు. కన్యాశుల్కం లేదా కట్నం చెల్లించే పద్ధతి లేదు. పెళ్లికి అయ్యే ఖర్చు వరుడికి సంబంధించినదే అవుతుంది. మొదట్లో అబ్బాయి తల్లిదండ్రులు తగిన అమ్మాయి కోసం వెతుకుతారు. వారు అమ్మాయిని ఇష్టపడితే, వారు తాంబూలం (అరెకా
66
