పుట:మత్స్యపురాణము.pdf/91

వికీసోర్స్ నుండి
ఈ పుట అచ్చుదిద్దబడ్డది

88

తృతీయాశ్వాసము


నరుఁడు సర్వంబు మిథ్యగా నెఱిఁగికొనుచు
శ్రీవిభుం డైన విష్ణుఁడే దైవ మనుచు
వేదవేదాంతవాక్యవివేకసరణి
తెలిసి హృదయంబు పాదుగా నిలుపవలయు.

125


వ.

మఱియుఁ గర్మమూలంబునఁ బ్రవర్తించు కర్యనిస్ఠులకు నాధారం బగుటం
జేసి పుత్త్రమూలంబుగఁ బుణ్యలోకనివాసంబును సమ్యగ్జ్ఞాననిష్ఠులకు జ్ఞానం
బనియెడి సుపుత్త్రునిమూలంబునఁ బునరావృత్తరహితశాశ్వతపదంబును గలు
గు. నిట్లు కర్మజ్ఞానంబులు వేదంబులయందుఁ బ్రతిపాదితంబులై తత్తదధి
కారమూలంబునఁ బ్రవర్తించు. నందు.

126


ఉ.

జ్ఞానముచేతఁ గర్మములు సంక్షయమందెడుచోట నట్టి సు
జ్ఞానమె ముక్తిమార్గగతిసాధకసత్త్వవిశుద్ధి కంచు దు
ర్మానవకోట్లకుం దెలియఁ బ్రస్తుతి సేయును వేదజాలముల్
పూనికఁ దత్సమాచరితపుణ్యమఖాధికకర్మసంతతిన్.

127


క.

క్రతువులు దలఁపఁగ లక్ష్మీ
పతిరూపము లగుటఁ జేసి ప్రఖ్యాతిగఁ ద
త్క్రతుపశుహింసలు ధర్మ
చ్యుతికిని బాత్రములు గావు, చూడఁగ ననఘా!

128


మ.

స్థిరచిత్తుండగు మానవోత్తముఁడు సుస్నిగ్ధాత్ముఁడై యిందిరా
వరునామంబుఁ దలంచెనేని యతఁ డత్యంతంబు సంసారసా
గరతీర్ణుం డగుచున్ మహామహిమతోఁ గర్మంబులం ద్రుంచి మో
క్షరమాధీశ్వరుఁడై వెలుంగును వివస్వత్కాంతిసంపన్నుఁడై.

129


క.

గురుదోషఘ్నము లాయు
ష్కరములు సంపత్ప్రదములు కలుషమహాసా
గరబాడబములు లక్ష్మీ
వరుసద్గుణకీర్తనములు వర్ణింపంగన్.

130


సీ.

కావించు పుండరీకాక్షప్రతిష్ఠలు
       జలజనాభాలయస్థాపనములు
భక్తితో విష్ణువైభవవర్ధనంబులు
       మహిమఁదన్నందిర మార్జనములు