పుట:మత్స్యపురాణము.pdf/87

84

తృతీయాశ్వాసము

⁠

నన్నుఁ దలంచినట్టి నరవరోత్తము లెల్ల మత్పురంబులోన మలయువారు.

⁠ 104

వ.⁠

మఱియును.

⁠ 105

సీ.⁠

తులసికానలినాక్షములు కంఠముల వేడ్క        ధరియింపనేర్చిన ధన్యమతులు బృందావనం బింటఁ బెంచి తద్దళముల        ముముఁ బూజసేయు సన్మర్త్యవరులు భూసురోత్తమకరంబులయందు మత్ప్రీతి        దానమొసఁగు సత్కర్మరతులు పొలుపుగా మన్నామముల సంతతంబును        దలఁపంగ నోపిన తత్వవిదులు వదల కెప్పుడు సత్యంబు పలుకునట్టి నిర్మలాఖిలజనవర్ణనీయనియతు లగు మహాత్ముల శోధించి యత్న మొదవ వారిఁ గొని తెండు మత్పురావాసమునకు.

⁠ 106

శా.⁠

యక్షాధీశ్వరుఁ డైన తద్విభుఁడు మర్యాదార్థమై మమ్ము ని ట్లాజ్ఞాపించిన నట్లకాక యని మే మత్యంత మిద్ధాత్రిలో సుజ్ఞానోన్నతు లైన వైష్ణవుల సంశోధించి వారిం జడ ప్రజ్ఞల్ గల్గిన నైనఁ జేర్తుము జగత్ప్రఖ్యాతిగా ముక్తికిన్.

⁠ 107

క.⁠

శ్రీవల్లభునామంబులు తావలముగ నుడువనేర్చు తత్వజ్ఞులు త త్కైవల్యంబున కర్హులు భావింపగ నధికపాపపరిచితులైనన్.

⁠ 108

క.⁠

ఈపతితుండగు విప్రుఁడు పాపాత్ముం డైన తులసిపాదపమూలా రోపితుఁ డై మృతిఁ బొందుటఁ జేపట్టఁగవలసె మాకు శ్రీవిభు నాజ్ఞన్.

⁠ 109