పుట:మత్స్యపురాణము.pdf/74

మత్స్యపురాణము

71

⁠

వివిధోపవనకల్పవృక్షపుష్పాంతర        వ్యాకీర్ణపరిమళవాసితంబు దమ్మటానేకభేరీమృదంగపటహ పణవగోముఖవాద్యసంభవ నినాద బధిరితాశావకాశంబు భాసురంబు నగుచు విలసిల్లుఁ బుష్పకన్యాపురంబు.

⁠ 46

సీ.⁠

ఆపురంబున సంతతాచారసహితుండు        వేదవిద్యాశాస్త్రవిశ్రుతుండు నిత్యకర్మక్రియానియతుండు హరిపాద        భక్తుఁ డార్యుఁడు లోకపావనుండు సత్యంబు నిరతంబు జరుపుచుండెడివాఁడు        సద్గుణప్రఖ్యుండు సర్వసముఁడు పరకాంతఁ దల్లిఁగా భావించు పుణ్యుండు        పరమతపోధ్యానపారగుండు దేవలుండను నొక్కభూదేవసుతుఁడు తల్లిదండ్రులు మృతిఁబొందఁ దన్నుఁ బ్రోఁచు బాంధవు డొక్కఁడైనను బ్రాపులేక బ్రహ్మచర్యము తీర్థయాత్ర విడకుండు.

⁠ 47

వ.⁠

మఱియు నప్పరమభాగవతోత్తముండు వయఃపరిపూర్ణుండయ్యును గామ క్రోధమదాదులం దగులువడక ఖడ్గధారాగమనంబు చేయుచందంబున న ప్రమత్తుండై బ్రహ్మచర్యంబు నడపుచుఁ బుణ్యనదీవిశేషంబులయందుఁ దీర్థంబులాడుచు భిక్షాశియై హరినామమంత్రంబు జపించు టేమఱక సంచరిం చుచు నొక్కనాఁడు భాగీరథీతీరంబున కరిగి తత్పుణ్యజలంబుల స్నానాది కృత్యంబులు దీర్చి భిక్షాశియై హరినామమంత్రజపంబు మఱవక జపించుచు న్నసమయంబున నొకసాలవృక్షంబు శాఖాగ్రంబుల వ్రేలుచు శవాకా రంబులు దాల్చి మొఱలిడుచున్న నరనారీజనంబులం గనుంగొని దయాపరి పూర్ణుండై వారలమనోరథంబుఁ దెలియంబూని యచ్చటి కరిగి యందుఁ దల్లి దండ్రులరూపులు దోఁచిన వారలం జూచి యిట్లనియె.

⁠ 48