పుట:మత్స్యపురాణము.pdf/62

వికీసోర్స్ నుండి
ఈ పుట అచ్చుదిద్దబడ్డది

మత్స్యపురాణము

59


గీ.

స్వామిహితమును దానంబు శౌర్యమహిమ
భూసురోత్తమపాదాబ్జపూర్ణసేవ
హరిపదాంబుజసద్భక్తి యనఁగ నివియు
శూద్రులకు ముఖ్యధర్మముల్ శుభచరిత్ర.

125


క.

ఇందుఁ బవిత్రము భూసుర
సందోహము తత్పదముల సంతస మొదవన్
వందనము సేయు మనుజులు
పొందుదు రభ్యుదయసమితిఁ బూర్ణాత్మకులై.

126


క.

వేదంబులు భూసురులును
శ్రీదయితుఁడు నొక్కసమము చింతింపఁగఁ ద
ద్వేదాధ్యయనమహీసుర
మోదంబే కారణంబు ముక్తికిఁ దనయా.

127


క.

ధరణీసురు మూలంబున
సురలకు సంతృప్తి యగుట సుస్థిరమతియై
నరవరుఁడు సేయనే తగు
ధరణీసురతృప్తి యన్నదానముచేతన్.

128


వ.

మఱియును.

129


సీ.

అనలంబు కరముల నశ్వినీదేవతల్
        నయనయుగ్మంబున నలరు విధుఁడు
మూర్ధభాగంబున మునుకొని నదు లెల్ల
        పాదంబులందును బవనుఁ డాత్మ
బరమాత్మ హృచ్చక్రపద్మమధ్యమమున
        వరుణుం డురంబున వాసవుండు
కంఠనాళంబునఁ గంజాప్తుఁడును గుక్షి
        నమరవర్యులు భుజాగ్రములయందు
సాధ్యు లాధార జలరుహస్థలమునందు
వనధు లెల్లను మోహనావర్తములను