పుట:మత్స్యపురాణము.pdf/61

58

ద్వితీయాశ్వాసము

సీ.⁠

నిత్యకర్మాదులు నియమంబు శౌచంబు         స్వాధ్యాయ మతిథిపూజావిధాన మల్పసంతుష్టియు నాత్మనిగ్రహమును         నగ్నిహోత్రంబును నార్జవంబుఁ బైతృకాచరణంబు భావశుద్ధియుఁ గామ         మోహలోభాదుల ముణుఁగుపఱచు టనృతంబు విడుచుట హరిపాదభక్తియు         దేవతాభజనంబుఁ దీర్థయాత్ర సజ్జనులతోడి సఖ్యంబు సాధువృత్తి వర్ణితం బగు ధర్మప్రవర్తనంబు దాన మాస్తిక్యబుద్ధియు దత్త్వ మెఱుఁగు యత్నమును విప్రధర్మంబు లమరవినుత.

⁠ 122

సీ.⁠

మంత్రశుద్ధివిచారతంత్రంబు నీతియు         సముచితదానంబు సత్యవాక్య మాచారవిధియు బ్రాహ్మణదేవభక్తియు         సప్తసంతానసంస్థాపనంబు ఘనకీర్తిధర్మసంగ్రహమును జతురంగ         బలపోషణము ప్రజాపాలనంబు వీరశత్రునృపాలవిజయంబు సాహస         మర్థులకును వాంఛితార్ధ మిడుట రాయబారంబు నడిపి కార్యంబుఁ దెలిసి తదనుకూలప్రయోగముల్ మొదలుకొనుట పొలుపు మీఱంగ విభవసంపూర్ణుఁ డగుట రాజులకు నివి ధర్మముల్ తేజ మలర.

⁠ 123

క.⁠

క్రయవిక్రయములు దానము నయమున ధనసంగ్రహంబు నలినాక్షపద ద్వయభక్తియు నన నివియే నియతము లగు వైశ్యులకును నిజధర్మంబుల్.

⁠ 124