పుట:మత్స్యపురాణము.pdf/57

వికీసోర్స్ నుండి
ఈ పుట అచ్చుదిద్దబడ్డది

54

ద్వితీయాశ్వాసము


సూర్యోదయం బైనఁ జూచి తద్భూసురుం
       డాహారమునకు నై యడవి కరిగి
శాకమూలంబులు సమకూర్చుకొని యొక్క
       వటభూరుహము క్రింద వసతి సేయ
నంతలోపలఁ దద్భూరుహమున నున్న
బ్రహ్మరాక్షసు లెనమండ్రు బ్రహ్మనూక్త
ములు పఠించుచు నేతెంచి ముదముతోడ
నతనిఁ గని యభివందనం బాచరించి.

97


మ.

అని రి ట్లా ధరణీసురోత్తమునితో నా బ్రహ్మరాత్రించరుల్
విను మత్యున్నతపుణ్యగర్వమున దుర్విద్యాభిమానంబునన్
ఘనులన్ వాదములం జయించిన మహాఘశ్రేణిమూలంబుగాఁ
గ నమందక్రియ మాకు నిల్వవలసెం గ్రవ్యాదరూపంబులన్.

98


గీ.

ఇట్టి తనువు లుడిగి యేరీతి ముక్తుల
మగుచుఁ జనుదు మింక నట్ల సేయ
వలయు భూసురేంద్ర వర్ణింప నీకును
సాటి యెన్నఁ గలదె జగములందు.

99


వ.

అనిన వారలకు వాసవమహీసురుం డి ట్లనియె.

100


క.

ఏ రీతి మీరు చెప్పిన
నా రీతిన నడపి మిమ్ము నతిరభసమునన్
జేరికొనఁ జూతు ముక్తి ని
శ్రీరమణీవిభుని యాన ప్రేమ దలిర్పన్.

101


సీ.

భూసురుం డీ చందమునఁ బల్కువాక్యంబు
       లాలించి యి ట్లని రసురవిప్రు
లధికదయాపూరితాక్ష నీ విచటికిఁ
       జనుచేర మా కోర్కె సఫల మయ్యె
నని యొక్కఁడు భవద్గృహాగతుం డైన నాఁ
       డతని కాహార మిచ్చితి తదీయ