పుట:మత్స్యపురాణము.pdf/40

37

మత్స్యపురాణము

గీ.⁠

యాతనాదేహసంగతుఁ డగుచు నతఁడు నిబిడసమవర్తికింకరానీతుఁ డగుచు బహువిధంబుల నరకకూపంబులందు నాత్మకృతపాపఫలముల ననుభవించి.

⁠ 13

సీ.⁠

అయ్యెడ సంతాపితాత్ముఁ డై క్రమ్మఱఁ         బురికొని భూమికి నరుగుదెంచి యే పాతకంబున నేది జన్మం బగు         నా జన్మమును బొంది యజ్ఞుఁ డగుచు సారవిహీనసంసారకూపములందుఁ         బడి పుత్త్రధనవధూభ్రాంతిఁ బొదలి యదియె భోగ్యంబు గా నాత్మఁ జింతించుచు         జాతియు సంతతాచార ముడిగి కలుషనాశకుఁ డైనట్టి జలజనయనుఁ దలఁప నొల్లక విపరీతధర్మములకు గాలుఁ జాపుచుఁ దుద విధిగ్రస్తుఁ డగుచు నట్లు కడలేని జన్మంబు లందువాఁడు.

⁠ 14

క.⁠

ఈ రీతి జన్మలయముల నారూఢిగఁ బొంది జీవు లతిదుఃఖములన్ మీరుచు నొక పఱి యైనను శ్రీరమణీవిభుని జింత సేయరు తనయా!

⁠ 15

క.⁠

ఈలోకంబులలోపల భూలోకము కర్మభూమి బుధు లచ్చట నే కాలంబుఁ దృప్తిఁ బొందుదు రాలీల మఖంబుల౯ హుతాశను లగుచున్.

⁠ 16

గీ.⁠

దేవనాయకాది దివిజులు మదిలోన నాత్మచే భవంబు లస్థిరంబు లని తలంచి ముక్తి కరుగుటకై వాంఛఁ జనుదు రుర్విమీద సంభవింప.

⁠ 17