మఱియు నజ్జీవుండు పాపఫలానుభవాంతంబునఁ గర్మపాశకర్షితుం డగు
చు వారుణలోకంబున కేతెంచి వర్షధారామార్గంబున భూలోకగతుం డై
తృణగుల్మలతాదులయందు సంక్రమించియున్న రూపంబునఁ బురుషుని దే
హంబు ప్రవేశించి రేతోరూపం బై ఋతుకాలంబున స్త్రీగర్భంబు సొచ్చి
తద్రక్తంబునఁ బొదుగుడువడి, ప్రధమమాసంబున బుద్బుదాకారం బై
రెండవమాసంబునఁ బిండరూపం బై మూడవమాసంబున శిరఃకరపా
దాంకురసంభవంబును, నాలవమాసంబున నవి వ్యక్తంబు లగుటయు నైద
వమాసంబున మాంసశోణితపరిపూర్తియు శిరఃపాణిపాదసంభవంబును, నా
ఱవమాసంబున నస్థిస్నాయుసిరాకేశాంగుళనఖశ్రుతినేత్రనాసాభ్రూపక్ష్మ
జిహ్వారోమోదయంబును, సప్తమమాసంబున నంగసంధిలక్షణరేఖాసమన్వి
తత్వంబును, నెనిమిదవమాసంబున సర్వాంగపరిపూర్తియుఁ గలిగి యో
జోహీనం బగు దేహంబు జననంబు నొంద వృద్ధిఁబొందు నంత నవమాసం
బున సువ్యక్తం బగు దేహంబు వొదలుచు నుండు మఱియు నద్దేహంబున
మాతృజంబులును బితృజంబులును రసజంబులును నాత్మజంబులును నగు
గుణంబులు గలవు. శరీరోపచయంబును దద్వర్ణంబును వృద్ధియుఁ దృప్తి
యు బలంబును దోలు సత్వంబును నుత్సాహంబు మొదలైనవి రసజాతం
బులును, నిచ్ఛయు ద్వేషంబును దుఃఖంబును ధర్మాధర్మలక్షణంబులును
జ్ఞానంబును నింద్రియవ్యాపారంబులును నాత్మసముద్భూతంబు లైన గుణం
బు లింద్రియంబులకు మనంబు వశపడక సత్వరజస్తమోరూపంబు లగు
మార్గంబులఁ బ్రవర్తించు నమ్మ్మార్గంబులయం దాస్తిక్యంబును ధర్మంబును
శమదమాదిగుణంబులును గలుగు నసాత్వికమార్గంబును గామక్రోధని
ద్రాలస్యాదు లైన భావంబులు గలది రాజసమార్గంబును, గ్రోధహింసాన
ప్రమాదాదులు గలది తామసమార్గంబు నై పరగు. మఱియుఁ బ్రాణాపా
వ్యానోదానసమాననాగకూర్మకృకరదేవదత్తధనంజయంబు లను దశవా
యువులును దద్దేహాధిష్ఠితంబు లై ప్రవర్తించు నందుఁ బ్రాణపవనంబు స
