పుట:మత్స్యపురాణము.pdf/26

మత్స్యపురాణము

23

క.⁠

శరణాగతరక్షకుఁ డను బిరుదుం గలవాఁడ వండ్రు పృథులచరిత్రా శరణాగతుండ నగు నను స్థిరముగఁ గరుణింపవలయు శేషశయానా!

⁠ 107

వ.⁠

అని యి ట్లార్తుండ నై తద్గుణంబులు గొనియాడి నయనయుగంబులు తెఱ చి నప్పుడు తొల్లింటియట్ల యేనుఁ దన్నాభీసరోజంబునఁ బద్మాసనాసీనుం డ నై పాదుకొని క్రమ్మఱ నప్పరమపురుషు నవలోకించి తద్దర్శనామృత ధారాసిక్తశరీరుండనై గతశ్రమంబున కచ్చెరు వంది.

⁠ 108

చ.⁠

పరమపరార్థరూప! గుణభాసుర! నిత్యనివాసవైభవా కర! కరకాంతచక్రరవిఖండితశత్రుసమూహ! వార్ధిజా వర! వరమంగళాశ్రయభవష్రియకౌస్తుభభూషణావళీ ధర! ధరణీశ! నీ విపులతత్వము నన్యు లెఱుంగ నేర్తురే.

⁠ 109

క.⁠

నిరుపమవైభవకరుణా పరిపూరితనయన లోకపాలక లక్ష్మీ వర భక్తవరద యెయ్యెడ నురవడి మీ మాయఁ దెలియ నొరులకు వశమే.

⁠ 110

సీ.⁠

గాఢాంధకారసాగరమునఁ బెక్కేండ్లు         దృఢసాధ్యసంబునఁ దిరిగి తిరిగి శోకమోహంబుల సుడిఁగొని చిత్తంబు         కలఁగి పాదుకురాగఁ గళవళింప శాంతుఁడ నై యుండి సౌధగోపురమణి         ప్రాకారతోరణప్రాజ్య మైన పురరాజ మొక్కటి పొలుపుతో నీక్షించి         తన్మధ్యమంబునఁ దరణికోటి కాంతిసందీప్తమణిగణోత్కరము లైన శైలములు నాల్గు గనుఁగొంటి సత్యచరిత వీని వృత్తాంత మంతయు వివరపుట్టఁ దెలుపవలయును లోకేశ జలధిశయన.

⁠ 111