పుట:మత్స్యపురాణము.pdf/149

146

మత్స్యపురాణము

⁠

నట్లు గావున భక్తి నలరుచు హృదయంబు         పదిలంబుగా లోనఁ బాదుకొల్పి సరణి మీఱంగ విజనదేశంబునందుఁ జక్షురాదీంద్రియజ్ఞానజనితవస్తు నిచయసంభవసుఖలేశరుచుల నెడలి తన్మహామంత్రరాజంబుఁ దలఁపవలయు.

⁠ 87

క.⁠

ఈ నామత్రయజపమున శ్రీనాయకుఁ డైన చక్రి చింతితఫలముల్ పూనిక నీకు నొసంగెడు దీనావనలక్షణాత్తదీక్షాపరుఁ డై.

⁠ 88

గీ.⁠

గురువుచేత నందికొనిన మంత్రముగాని బయలు ప్రాఁకిచూడఁ బనికిరాదు ఇదియఁ గారణముగ నే నిచ్చెదఁ బ్రతిగ్ర హింపు మంత్రరాజ మిష్ట మలర.

⁠ 89

వ.⁠

అని యోగీంద్రుండు పల్కిన యంత నాపులహుం డమ్మహాత్మునివలన న మ్మంత్రంబు పరిగ్రహించి యప్పర్వతంబునకు వాయవ్యభాగంబునం గలు గు ద్రోణికామధ్యమంబునకుం జని యచ్చట ఫలపుష్పసమేతంబు లైన మహీరుహంబులచేత నావృతం బగు సువర్ణపుష్కరిణీతీరంబున సమాసీనుం డై హృదయపంకజంబునఁ బుండరీకాక్షుని భవ్యాకారంబు ధ్యానంబు సేయుచు నామత్రయమంత్రజపంబు మఱవక జపియించె. నయ్యవస రంబున.

⁠ 90

సీ.⁠

మకరకుండలయుగ్మమణిదివ్యరోచులు         చెక్కుటద్దములపైఁ జెంగలింప హారకౌస్తుభమున నలమి సుస్నిగ్ధమై         తులసికాదామంబు తొంగలింప శంఖచక్రగదాసి శార్ఙ్గయుక్తంబు లై         కరపంకజంబులు కరము మెఱయ

⁠