పుట:మత్స్యపురాణము.pdf/140

137

మత్స్యపురాణము

⁠

దివసయామాకృతిఁ దేజరిల్లి లలితమత్పాదనిశ్చలభక్తిసంయుక్తు         లెట్లు చేసిన నది యట్ల యగును సప్తతంతుసరణి జరిపెడు మీవంటి కర్మయుక్తులకును గాదు గాని యీపురంధ్రివంటి యిల్లాండ్ర కెల్లను నేఁడె హరిదినంబు నిశ్చయంబు.

⁠ 43

వ.⁠

అని లక్ష్మీవల్లభుఁ డంతర్ధానంబు నొందిన విప్రవరుండు సుగంధియందలి విష్ణుభక్తి కాశ్చర్యంబు నొంది యావామనయనకు నమస్కారం బాచరిం చి నిజనిలయంబునకుం జనియె. నంత విష్ణుదత్తుండును శబరాలయంబున కేతెంచి భార్యాసమేతుం డై నిజదేశంబునకుం జని తద్వ్రతప్రభావంబున ధనధాన్యపుత్త్రపశుసమేతుం డై విష్ణుభక్తి మఱవక భగవద్భాగవత కైంకర్యపరుం డై యుండెనని పద్మభవుండు చెప్పిన నిని నారదుండు మఱి యు నిట్లనియె.

⁠ 44

సీ.⁠

పుండరీకాక్షుని పూజావిధానంబు         సకలచరాచరసంభవంబు సాయుజ్యముక్తిలక్షణమును శ్రీవిష్ణు         సేవకు లగువారి చిహ్నములును వనరుహాక్షాకారవర్ణనంబును గర్మ         యోగలక్షణమును నూర్ధ్వలోక గతియును భక్తియోగప్రశంసయును నే         కాదశీనియమంబు కాలమాన మధిక మగునట్టి తులసీమహత్త్వ మన్న దానవిధియును సామాన్యధర్మములును మొదలు గాఁగల సర్వంబు తుదకు వెడల వింటి నీచేత లోకేశ వేడ్కతోడ.

⁠ 45

గీ.⁠

వేదజాల మెల్ల వీక్షించి తద్వేద సారమైనయట్టి చక్రిమతము

⁠