| |
పట్టుననున్నలోకముల భస్మము సేయు వెలార్చితేని వె
ల్పట్టుననున్నలోకముల భస్మము చేయు నిజంబు చెప్పితిన్.
| 68
|
| శా. |
శంభుం డంబికపల్కుఁ గైకొని జగత్సంరక్షణార్థంబు సం
స్తంభించెన్ నిజకంఠగోళమున విశ్వక్షోభసంత్రాసనం
రంభారంభవిజృంభణోద్భటకలారౌద్రంబుఁ గాకోలమున్
జంభారాతి మణిప్రకల్పితవిశేషానిర్విశేషంబుగన్.
| 70
|
| వ. |
అప్పుడు మహాదేవుని దేవత లి ట్లని స్తుతియించిరి.
| 71
|
దేవత లీశ్వరుని స్తుతించుట
| సీ. |
సచరాచరం బైన జగము రక్షించితి, హాలాహలానలం బారగించి
శరణాగతగతత్రాణపరతంత్రభావంబు, నిఖలలోకేశ్వర నీకె యొప్పు
భువనైకరక్షణవ్యవహారచిహ్నకు, గుఱుతయ్యె నీకంఠకోణచిహ్న
త్రైలోక్యభీమంబుఁ గాలకూటము మ్రింగి, కైకొంటి భీమాఖ్యఁ గాలకంఠ
|
|
| తే. |
యఖిలదిక్పాలకులును నీయాజ్ఞవారు, నీదునిశ్వాసపవనంబు నిగమరాశి
యమరకులసార్వభౌమ లోకాభిరామ, దక్షవాటీపురీకేలిధామ భీమ.
| 72
|
| తే. |
దేవదేవ మహాదేవ దివిజవంద్య, సర్వలోకైకరక్షణచతుర శర్వ
హాలహలకూటసంపర్కనీలకంఠ, మ్రొక్కెదము దేవికిని నీకు ముదముతోడ.
| 73
|
| మ. |
బహిరంతస్థ్సితలోకరక్షణకళాపారీణ శైలాత్మజన్
బహిరంతస్థ్సితలోకరక్షణకళాపారీణునిన్ దేవర
న్మహనీయస్థిరసత్కృపాగుణనిధానం బైనదాక్షాయణి
న్మహనీయస్థిరసత్కృపానిధి నిను న్వర్ణింతు మే మీశ్వరా.
| 74
|
| తే. |
సంహరించితి భువనశోషకము విషము, నభయ మిచ్చితి రక్షించి తఖిలజగము
శాంతమయ్యె నరిష్ట మిష్టంబు ప్రబలె, దక్షిణాబ్ధితటావనిధామ భీమ.
| 75
|
| క. |
ధరణియు గగనము దిక్కులు, దరికొని మండెడు విషాగ్నిఁ దత్క్షణమాత్రం
గరమున ధరించి మ్రింగిన, నిరుపమధృతి నీక యొప్పు నీలగ్రీవా.
| 76
|
| ఉ. |
ఆయతసత్కృపామహిమ హాలహలాగ్నిభయంబు నీమహో
పాయముచేతఁ బాపితివి ప్రాల్గలవాఁడవు దక్షవాటికా
నాయక భీమలింగ శమనం బొనరించితి గాక యింతకుం
గోయిలవన్నెఁ జెంది మఱిఁ గొక్కెరవంకర వోవె లోకముల్.
| 77
|
| క. |
లోకత్రయైకసంర, క్షాకల్పన మాచరింప సదృశులు వేల్పుల్
నీ కితరులు లే రధికులు, లేకుండుటఁ జెప్పనేల లేఖాధ్యక్షా.
| 78
|
