పుట:భారతం-ఆరణ్యం.pdf/62

⁠

భూనాథ! నీ గుణంబులు హంసచేతఁ                  బొలుపుగా విని మనంబున నిల్పియున్న దాన; భవన్నిమిత్తమున ని ట్లఖిల                  ధారుణీనాథసార్థంబు [1]రావింపఁ గా నిప్డు వలసె; లోకఖ్యాతకీర్తి!                  కరుణించి పతిబుద్ధి గావింపు మిందు.

⁠ 47

వ.⁠

నీవు దీని కొడంబడనినాఁడు రజ్జువిషాగ్నిజలంబుల బ్రాణపరిత్యాగంబు సేసి కొందు” ననిన దానిం జూచి నలుం డి ట్లనియె.

⁠ 48

మత్తకోకిలము.⁠

భూరిసత్త్వులు, సర్వలోకవిభుల్, విభూతిసమృద్ధు, లి ద్దోరుతేజులు నిన్నుఁ గోరుచు నున్న [2]వా రమరోత్తముల్; వారి పాదరజంబుఁ బోలని వాని నన్ను మనుష్యుం సం సారిఁ గోరఁగఁ జన్నె నీకుఁ బ్రసన్నులై సుర లుండఁగాన్?

⁠ 49

క.⁠

దేవతల కప్రియంబులు గావించు మనుష్యు లధమగతు లగుదు రిలం; గావున వారి కభీష్టము గావింపుము; నన్నుఁ బ్రీతిఁ గావుము తరుణీ!”

⁠ 50

వ.⁠

అనిన దమయంతి నయనాంతర్గళితబాష్పధారాకలతకపోలయుగళ యగుచుం బెద్దయుం బ్రొద్దు చింతించి “నీ యభిప్రాయంబునకు నిరపాయంబయిన యుపాయంబు గంటి; నింద్రాదులు నా స్వయంవరంబునకు వచ్చెదరేని వారిసన్నిధిన నిన్ను వరి యించెద; నట్లయిన నీకు నిర్దోషం బగు” ననిన నలుండు లోకపాలురపాలికిం బోయి దమయంతికిం దనపలికినవిధంబును, దనకు దమయంతి పలికినవిధంబును జెప్పె; నంతఁ బుణ్యతిథినక్షత్రశుభముహూర్తంబున దమయంతీస్వయంవరంబు ప్రవర్తిల్లిన.

⁠ 51

ఆ.⁠

“నలున కాని నలినదళనేత్ర వరియింప దట్టె! చూత” మనుచు నమరవరులు నలువురును గడంగి నలరూపమున వచ్చి రాస్వయంవరమున కతిరయమున.

⁠ 52

వ.⁠

అంత.

⁠ 53

సీ.⁠

దమయంతి సితపుష్పదామాభిశోభిత                  హస్తయై చనుదెంచి, యంబుజాక్షి యమ్మహోత్సవదర్శనాగతరాజన్య                  నివహంబు నీక్షించి, నెమ్మితోడ నలువురు వేల్పులు నలుఁ దొట్టి యప్పుడే                  కాకారులై యున్న నందు నలుని నేర్పరింపఁగ నేర, “కింద్రాదులను, నలు                  నెఱుఁగు నుపాయ మింకెద్ది యొక్కొ!”

⁠

ఆ.⁠

యనుచు సంశయాకులాత్మయై “సురలార! నలు నెఱుంగు విధము నాకుఁ జేఁయు; డాత్మ రూపధరుల రగుఁ”డని [3]పరిదేవ నంబు సేసెఁ దనమనంబులోన.

⁠ 54

వ.⁠

దేవతలు దాని పరిదేవనంబు విని కరుణించి యనిమిషలోచనంబులు నస్వేదగా త్రంబులు నొప్ప నవనీతలంబు ముట్టక యాసన్నులై నిలిచి; రంత లోకపాలురు ను, భూలోకంబునఁ గల రాజలోకంబు నవలోకించుచుండఁ బుణ్యశ్లోకుం డయిన నలు ధర్మవిధానంబున వరియించి దమయంతి తదీయస్కంధంబున [4]సుగంధి కుసుమదామకంబు వెట్టిన.

⁠ 55

1. గావింపఁ
2. వారు సురోత్తముల్ ... మనుష్యసంసారిఁ
3. పరి, దేవనంబుఁ జేసె నాత్మ నంబుజాక్షి
4. సౌగంధికకుసుమదామంబు వెట్టిన