పుట:భారతం-ఆరణ్యం.pdf/54

సీ.⁠

“సురసమూహంబుతో సురరాజు నోడించి                  ఖాండవం బెక్కటి కాల్చియున్న వీరున, [1]కఖిలాబ్ధివృతవసుంధర గల                  రాజుల నోర్చి పరాక్రమమున నగ్రజ రాజసూయాధ్వర మనిచిన                  యధికసమర్థున, కర్జునునకుఁ, [2]బార్థసింహమునకుఁ బక్కెర వెట్టిన                  యట్లు దేవతలు నెయ్యంబుతోడఁ

⁠

ఆ.⁠

బరముఁ దొట్టి పాశుపత మాదిగా దివ్య శరము లిచ్చి రట్టె శౌర్య మెసఁగ; నట్టినరుఁడు యోధుఁ డై యున్నపాండవ వరుల జెనయు నంతవారుఁ గలరె?

⁠ 378

క.⁠

వారికి, ధర్మువు దప్పని వారికి [3]దృఢవచను లైన వారికి, విమలా చారుల కెద్దియుఁ బడయఁగ దూరమె? పాండవులఁ బోలుదురె వీరు లొరుల్?

⁠ 379

వ.⁠

వారలతో విగ్రహించి దుర్యోధనుండు దనకుఁ, దన బాంధవులకు, సుహృజ్జనం బులకు హాని సేసికొనియె.

⁠ 380

ఆ.⁠

పర్వతములు వజ్ర[4]పాతాహతిని బోక తక్కు నేని నింద్రతనయు దివ్య నిశితబాణతతుల నిశ్శేష మగుననఁ బరులసైన్య మెట్లు బ్రదుక నేర్చు?

⁠ 381

వ.⁠

లయకాలోదితసహస్రకరుకిరణంబులం జరాచరంబులు దప్తంబు లగునట్లు పార్థు బాణంబులం జేసి దుర్యోధనాదులు దుస్సహతాపంబుఁ బొందుదు” రని దుఃఖి తుం డైన ధృతరాష్ట్రునకు సంజయుం డి ట్లనియె.

⁠ 382

క.⁠

“ఈసున దుర్యోధన [5]దు శ్శాసను లొగిఁ బాండవులకు సభలో నెగ్గుల్ సేసిన విని వారల నను శాసింపఁగ, వలవ దనఁగ, జనదే నీకున్.

⁠ 383

వ.⁠

నీ యుపేక్షం జేసి దుర్యోధనుచేత దుర్ద్యూతపరాజితు లై రాజ్యంబు విడిచి పాండవు లరిగి కామ్యకవనంబున నున్నఁ గృష్ణుం డనేకరాజసమన్వితుం డై వారియొద్దకు వచ్చి నీ కొడుకులు [6]సేసిన నికారంబునకుం గృష్ణాపరిభవంబునకు దుఃఖితుం డై క డు నలిగి, “మీకు [7]నిట్లు సేసిన దుర్యోధనాదుల దూషించి గజపురంబున ధర్మరాజు రాజ్యాభిషిక్తుం జేయుదు” ననియు “రాజసూయంబు సేయునాఁ డింద్రప్రస్థంబు న నైన విభూతికంటె విశేషవిభూతి గావింతు” ననియు ద్రుపదసృంజయకేకయ ధృష్టద్యుమ్నబలదేవసాంబసాత్యకిప్రభృతులసమక్షంబునం బలికి సత్యసమయు లైన పాండవులచేత సంరంభనివారితుం డై పార్థుసారథ్యంబునకుఁ బ్రార్థితుం డయ్యెనని వింటిమి.

⁠ 384

క.⁠

పదుమూడేండ్లుం బోయినఁ బదునా ల్గగునేఁడు ఘనులు పాండవులు జగ ద్విదితముగ నుత్సహింతురు వదలక రణమునకుఁ గేశవపురస్కృతు లై.

⁠ 385

క.⁠

[8]వరములు వేల్పులచే దు ష్కరతపమునఁ బడయుదురు జగంబున నొరు లీ

⁠

1. కఖిలసద్వీపధరం గల; కఖిలాస్త్రవేదికి ధరఁ గల ... రాజసూయాధ్వర మునిచిన
2. బ్రబలసింహమునకుఁ; బ్రౌఢిసింహమునకు .. నట్టివరుఁ డజేయుఁ డై యుండఁ బాండవ, వరులఁ బెనయునట్టివారుఁ
3. ఋతు; మిత; హితవచను లైనవారి
4. పాతాభిహతివెర ... గాక, పరులసైన్య మెట్లు బ్రతుకుబోర
5. దుశ్శాసను లాపాండవులకు
6. సేసిననిష్కారణవైరంబునకు
7. నెగ్గు
8. వరములు వేల్పుల