పుట:భారతం-ఆరణ్యం.pdf/50

వ.⁠

నీయందలి పుణ్యతీర్థంబులు సేవించుచు, గంగాంబు[1]ధ్యౌతస్థలరుహవనస్పతిఫలం బు లుపయోగించుచు సుఖం బుండితి; నమరావతికిం బోయి వచ్చెద” నని మందర నగంబు వీడ్కొని పురందరనందనుండు దేవపథంబున కరిగి.

⁠ 347

సీ.⁠

పరమధర్మస్థితిఁ బ్రజఁ బ్రీతిఁ గాంచిన                  రాజులకు నుదగ్రరణమునందుఁ బతుల ప్రస్తవమునఁ బ్రాణముల్ విడిచిన                  వీరులకును, యజ్ఞవిధులఁ జేసి సురలను వసుమతీసురులను దనిపిన                  ధర్మాత్ములకు, మహాతాపసులకు, నిలయంబు లై రమణీయంబు లగు[2]రమ్య                  హర్మ్యవిమానసంహతులదాని

⁠

తే.⁠

సకలభువనంబులం గలసత్పురముల కెల్ల [3]నుపమాన మై దహనేందురవుల దీప్తి లే కున్నఁ దన దైన దివ్యదీప్తి విస్తరంబున నెప్పుడు వెలుఁగుదాని.

⁠ 348

వ.⁠

మఱియు ననాహితాగ్నులకు, నతీర్థసేవకులకు, ననృతవాదులకు, వేదవిరుద్ధా చారులకు, మాంసాహారులకు, రణపరాఙ్ముఖులకుఁ జొర నవిషయంబును నతి గహ్వరంబును నైనదాని నమరావతిఁ జొచ్చి, తద్గోపురసమీపంబున ననవరత గండస్థలగళదవిరళమదజలకుల్యాభిరామం బై నిరంతరనిర్ఝరనీహారనగంబునుం బోలె నొప్పుచున్న నైరావతంబుఁ జూచుచు సురసిద్ధసాధ్యగణంబుతో విద్యాధరా ప్సరోగంధర్వకిన్నరజేగీయమానుం డగుచు జను నప్పుడు.

⁠ 349

క.⁠

[4]సకలర్తుకుసుమసౌరభ సుకుమారోద్యానతరుల సుడియుచుఁ బ్రణయో త్సుకుఁ డై పవనుఁడు పాండవు నకు నభిముఖుఁ డయ్యెఁ దన్మనఃప్రియ మెసఁగన్.

⁠ 350

క.⁠

నరుఁ డైన యాదిముని యని, హరిసుతుఁ డని, హరిసహాయుఁ డని, హరుచేతన్ వరములు వడసినవాఁ డని సుర లెల్లను వచ్చి పార్ధుఁ జూచిరి ప్రీతిన్.

⁠ 351

వ.⁠

అర్జునుండు నయ్యమరావతివిభవంబు చూచి హర్షించుచు నప్సరోగీయమాన [5]మంగళహితగీతావహితమానసుం డగుచు, సిద్ధమునిగణాశీర్వాదంబులు సేకొ నుచుం జని మాతలి నిర్దేశంబున దివ్యరథావతీర్ణుం డై.

⁠ 352

క.⁠

శతమఖునకు, భువనావన రతశీలున, కఖిల దేవరాజర్షి సమ న్వితునకు, [6]వజ్రాభిహితో న్నతపృథుభుజునకుఁ గృతప్రణాముం డయ్యెన్.

⁠ 353

చ.⁠

అనిమిషనాథుఁడుం బ్రచలితాంగదతుంగభుజాయుగంబునం దనయునిఁ గౌఁగిలించుకొని, తత్క్షణజాతనితాంతసమ్మదం బునఁ బులకాంకితాంగుఁ డయి, మున్ను నిజాంకతలస్థుఁ జేసి య త్యనఘు నిజాసనార్థమున [7]నాదట నుంచెఁ గరంబు నెమ్మితోన్.

⁠ 354

క.⁠

లీలైరావతకుంభా స్ఫాలనకర్కశకరములఁ బలుమరును మరు

⁠

1. చ్యోతస్థలీరుహ ... చూచి
2. రత్నహర్మ్య
3. నెక్కు డనఁదగి శిఖీందురవుల
4. సకలర్తుసురభికుసుమిత ... నభినుతుఁ(గతుఁ) డయ్యె
5. మంగళగీతమహితమానసుం డగుచు
6. వజ్రాభీలో, న్నత
7. నప్పుడ నుంచెఁ గరంబు; నాతని నుంచెఁ గరంబు