| క. |
“నాయనుమతి లేకుండఁగ
నీయుదకము ద్రావిరేని యెవ్వారైనన్
ధీయుత! చత్తురు; నీ వటు
సేయవు, సమ్యగ్విచారశీలుఁడ వగుటన్.
| 421
|
| వ. |
కావున మదీయంబు లగు ప్రశ్నంబుల కుత్తరంబు సెప్పు” మనిన నతండు “మ
హాత్మా! నీచిత్తంబునకు వచ్చునట్లుగాఁ జెప్ప నాబోఁటివానికి శక్యం బగునే?
యైనను నానేర్చువిధంబునఁ జెప్పెద నడుగు” మనిన నయ్యక్షుం డి ట్లనియె.
| 422
|
ధర్మరాజు యక్షప్రశ్నముల కుత్తరంబు లిచ్చుట
| క. |
“దినకరు నెయ్యది నడపును?
దినకరు నెవ్వారు గొలిచి తిరుగుదు? రద్దే
వుని యస్తమించు టేమిట?
ననఘ! తదాధారభూత మది [1]యెయ్యదియో?”
| 423
|
| తే. |
అనిన ధర్మజుఁ డి ట్లను “నబ్జహితుని
నడపు బ్రహ్మంబు; సురకోటి నడచుఁ గొలిచి;
ధర్ముచే నస్తమితుఁ డగుఁ దపనుఁ; డమ్మ
హాత్మునకు సత్య మాధార మండ్రు [2]బుధులు.”
| 424
|
| వ. |
అనిన విని యక్షుం డి ట్లనియె.
| 425
|
| క. |
“ఏమిట శ్రోత్రియుఁ [3]డనఁ జను?
నేమిటఁ గడు మహిమ వడయు నిమ్ముగఁ బురుషుం?
డేమిట సహాయయుతుఁ డగు?
నేమిట నగు బుద్ధిమంతుఁ డేర్పడఁ? జెపుమా.
| 426
|
| క. |
“శ్రుతమువలన శ్రోత్రియుఁ డగు;
నతులతపోయుక్తిఁ గడుమహత్త్వము వడయున్;
ధృతిచే సహాయయుతుఁ డగు;
నతిశయముగ బుద్ధిమంతుఁడగు బుధసేవన్.
| 428
|
| వ. |
అని చెప్పిన నప్పార్థివోత్తమున కప్పురుషుండు వెండియు ని ట్లనియె.
| 429
|
| తే. |
“ఏమికతమున భూదేవుఁ డెసఁగు దేవ
భావమున? నాతనికి సాధుభావ మెవ్వి
ధమున నగు? నసాధుత్వ మెద్దానఁ జెందు?
మానుషుం డగు నాతఁ డేదానఁ? జెపుమ.
| 430
|
| చ. |
అనవుడు ధర్మజుం డనియె “నధ్యయనంబున దేవభావముం
గను నవనీసుపర్వుఁ; డధికవ్రతశీలత సాధుభావ మా
తనికి; విశిష్టవృత్తి దిగఁ ద్రావి యసాధు వనంగ నుండు; శౌ
చనియతి లేక మృత్యుభయసంగతి నాతఁడు మానుషుం డగున్.
| 431
|
| క. |
నా విని యతఁ డాతనితో
“జీవన్మృతుఁ డెట్టివాఁడు? సెప్పు” మనుటయున్
“దేవాతిధిపితృభృత్యజ
నావళులకు నిడక కుడుచు నతఁ” డని చెప్పెన్.
| 432
|
| చ. |
విని మగుడంగ వాఁడు పృథివీపతిఁ జూచి “ధరిత్రికంటె వ్రేఁ
కన యగుదాని, నాకసముకంటెఁ గడుం బొడవైనదాని, గా
డ్పునకును నెక్కు డై జవము పొంపిరివోయెడుదానిఁ, బూరికం
టెను దఱ చైనదానిని ఘటింపఁగ జెప్పుమ నాకు” నావుడున్.
| 433
|
| వ. |
అమ్మనుజోత్తముం డయ్యక్షోత్తమున కి ట్లనియె.
| 434
|
- ↑ యెట్టిదకో
- ↑ మునులు
- ↑ గనఁ జను
