పుట:భారతం-ఆరణ్యం.pdf/332

ఆ.⁠

ఎచట నున్ననైన నెల్లప్పుడును నిన్నుఁ గన్నులారఁ జూడ గాంచుఁ గాన తనయ! నిన్నుఁ గనిన తపనుండు గడు ధన్యుఁ డయ్యె; మందభాగ్య నైతి నేను.

⁠ 346

చ.⁠

ఇనుఁ డఱచేత మాటు వడు టెన్నఁడుఁ గల్గునె? నిన్ను నెమ్మి నేఁ గనియెదఁ గాక యింక నొకకాలమునం దయినం; దనూజ! నీ వినుతశరీరభావమును, వీనుల సన్మణికుండలంబులున్, ఘనతరవజ్రవర్మముఁ బ్రకాశత నొందక యుండ నేర్చునే?

⁠ 347

చ.⁠

దివి, భువి, నంతరిక్షమున, దిక్కుల, గాడ్పున, నగ్నియందు, న ర్ణవములయందు, ఘోరవిపినంబులయందును నీకు [1]నెప్పుడున్ శివ మగుఁ గాక! దిక్పతులు, సిద్ధులు, సాధ్యులు, రుద్రు, లాశ్వినుల్ పవనలుఁ బుత్త్ర! నిన్నుఁ గృపఁ బాయక యెప్పుడుఁ గాచుచుండెడున్.”

⁠ 348

వ.⁠

అని యేడ్చుచుం గుంతి యచ్చటం దడయ వెఱచి గూఢప్రకారంబునఁ గన్యాం తఃపురంబునకు వచ్చి, యెప్పటియట్ల వర్తిల్లుచుండె; నట మంజూషయు నశ్వ నదీప్రవాహవేగంబునఁ జర్మణ్వతికిం జని, యందుండి యమునాగతం బై, యట చని భాగీరథిం బడి, సూతవిషయంబునం బంపానగరంబుచేరువ నరుగు చుండె; నాసమయంబున.

⁠ 349

సీ.⁠

ధృతరాష్ట్రసఖుఁ డైన యతిరథుం డను సూతుఁ                  డతివలుఁ దానును నతివిభూతి గంగలో జలకేళిసంగతుం డై యుండి                  తుంగతరంగానుషంగవశతఁ జనుదెంచు [2]మంజూషఁ గని, కడు వేడుకఁ                  దన పరిజనములఁ బనిచి పట్టి తెప్పించి ధీయుక్తి యొప్ప నేకతమున                  నప్పెట్టెఁ దెఱచి తా నప్పు డందు

⁠

ఆ.⁠

వినుతహేమకవచుఁ, గనకకుండలధరు ననుపమానతేజు, ఘనుఁ గుమారుఁ గని మనంబులోన ననయంబు విస్మయం బొనర గ్రుచ్చి యెత్తికొని ముదమున్.

⁠ 350

వ.⁠

తనజీవితేశ్వరియైన రాధం జూచి యి ట్లనియె.

⁠ 351

క.⁠

“అనపత్యుల మగు మనకును మనపాలిటి వేల్పు నిక్కుమారుని నిచ్చెన్; వనజాక్షి! వీఁడు మానుష జనితుఁడు గాఁ; డరయ దేవసంభవుఁడు సుమీ.”

⁠ 352

క.⁠

అని దానిచేతి కిచ్చినఁ గొని యురమునఁ [3]గదియ నదిమి కొనియెఁ గొడుకు న వ్వనితకుఁ బాలెంతతెఱం గునఁ జన్నులు సేఁపె నపుడు గూరిమిపేర్మిన్.

⁠ 353

వ.⁠

ఇ ట్లాదంపతులు ప్రమోదసంపద సొంపారఁ గుమారుం గొని నిజమందిరంబున కరిగి, యాత్మీయకులోచితంబు లగు జాతకర్మాదిసంస్కారంబు లొనరించి, సహజ కుండలాలంకృతకర్ణుం డగుటం జేసి వానికిఁ గర్ణుం డని నామకరణంబు సేసి రంత.

⁠ 354

క.⁠

వసువర్మధరుఁడు గావున వసుసేనుం డనెడు పేరు వాని కిడిరి పెం పెసఁగఁగ భూసురు; లాది త్యసుతుం డిబ్భంగి సూతతనయుం డయ్యెన్.

⁠ 355

వ.⁠

తద్వృత్తాంతం బంతయుఁ గుంతి తనయాప్తచరులవలన విని శిథిలీకృతసంతాప

⁠

1. నెల్లెడన్
2. మంజసఁ గని
3. నదిమి కొనియెఁ గొడుకు నతివ; యవ్వనితకుఁ