పుట:భారతం-ఆరణ్యం.pdf/329

⁠

[1]నేప్రొద్దు వచ్చిన నింతి యప్పుడ భక్ష                  భోజ్యముల్ గ్రొత్తపొల్పుగ నొనర్చు; నెయ్యది గోరిన నిచ్చకు రాఁ బెట్టు;                  నలయదు మది నైన నలుగ దెపుడు;

⁠

ఆ.⁠

ననుదినంబు భోజుఁ డాత్మజఁ బిలిచి త ద్వర్తనంబు నడుగ, వనజముఖియుఁ దాను గొల్చు తెఱుఁగుఁ, దాపసవరుని చం దమును జెప్పుచుండుఁ దండ్రి యలర.

⁠ 323

వ.⁠

అంత నొక్కసంవత్సరంబు పరిపూర్ణం బయినఁ బ్రీతుం డై దుర్వాసుండు గుంతిం జూచి “నీచేసిన యారాధనంబునకు మెచ్చితి! నభిమతంబు లిచ్చెద; నడుగు” మనిన నమ్మానిని గృతాంజలి యై “మీరు నావలనం బ్రసన్నుల లైతిరి; దీనికి మాతం డ్రియుం గరంబు నలరు; నింతియ చాలు; నొం డేల” యనిన నతం “డట్లేని నిది యొక్క మంత్రంబు గైకొను; దీనం జేసి యెయ్యేనివేల్పు నాహ్వానంబు సేసెద, వవ్వేల్పు సనుదెంచి నీవశంబున నుండు” ననిన నొం డన వెఱచి, కుంతియుం బ్రసాదం బనియె; నమ్మునీంద్రుండు దాని కమ్మంత్రంబు విధియుక్తంబుగా నుపదే శించి,కుంతిభోజుని దీవించి నిజేచ్చం జనియె; నంతఁ గొంతకాలంబునకు.

⁠ 324

మ.⁠

“మదిఁ గారుణ్యము సేసి విప్రవరుఁ డీ మంత్రంబు నాకిచ్చె; నే నిది యేచందమొ చూతు” నంచు నొకనాఁ డిచ్చన్‌ [2]కృతస్నాత యై సుదతీరత్నము పూర్వశైలతటిపై శోభిల్లు తిగ్మాంశుఁ జూ చి దళత్పద్మము మాడ్కి నుల్లసిత మై చిత్తంబు రాగిల్లఁగన్‌.

⁠ 325

వ.⁠

సహజకుండలకవచాభిరామం బైన తదీయమూర్తివిభవంబున కోటు వడి “దేవా! భవత్సమానసుందరుం డగు నందనుం గరుణింపవే” యని మనంబునం గోరుచు మత్రోచ్చారణంబు సేయుచున్నఁ, బ్రభాకరుండును నిజయోగబలంబున మూ ర్త్యంతరంబు ధరియించి కుంతిపాలికిం జనుదెంచి మధురస్వరంబున.

⁠ 326

తే.⁠

“అబల! నీమంత్రబలంబున నరుగుదెంచి నాఁడ; నీవాఁడ నైతి; మనఃప్రియంబు నీకు నెయ్యది యొనరింతు? నిజము చెపుమ;” యనినఁ బడతి యిట్లనుఁ గమలాప్తుతోడ.

⁠ 327

తే.⁠

“కార్య మొక్కటియును లేదు; కౌతుకమున నేను మంత్రంబు నొడివితి; నింతమాత్రఁ జేసి నీకు నిచ్చటికి విచ్చేయ నేల? దివికి నరుగుము క్రమ్మఱి దేవ! నీవు.”

⁠ 328

వ.⁠

అనిన దానికి సూర్యుం డి ట్లనియె.

⁠ 329

ఉ.⁠

“క్రమ్మఱి పోక తప్పెడినె? కామిని! యే మని మున్ను నీవు చి త్తమ్మునఁ గోరి, తవ్విధము దప్పక యిప్పుడుఁ బల్క[3]రాదె? తే జమ్మున మత్సమానుఁ గవచస్ఫుటకుండలమండితాంగు స త్సమ్మతుఁ బుత్త్రుఁ గోరవె, నిజమ్ముగ నావలనం దలోదరీ?

⁠ 330

1. నెప్పుడు వచ్చిన నింతి యప్పుడ క్రొత్తలుగ భక్ష్యభోజ్యాదు లొగి నమర్చి...ననుదినంబు నధిపుఁ డాత్మజఁ
2. శుచిర్భూత; ఋతుస్నాత...రంజిల్లఁగాన్
3. గాదె