| |
వ్వీరుల మాయయుం జలము వ్రేల్మిడిలోఁ గుదియించి, వీరకే
ళీరసికుండు వారి నవలీలమెయిం దునుమాడె నందఱన్.
| 71
|
| క. |
అతని శరపాతంబుల
చేతం గడు నొచ్చి దైత్యసేన నగము ధా
త్రీతలపతితం బయ్యె; వి
భీతిఁ బఱచి పురము సొచ్చెఁ బెఱసగము వెసన్.
| 72
|
| క. |
అది యెల్ల విని దశాననుఁ
డుదితక్రోధుఁ డయి మంత్రియుతముగ వెడలెన్
మదగజఘోటకసైనిక
పదభర[1]భగ్నావనీవిభాగుం డగుచున్.
| 73
|
| వ. |
ఇట్లు వెడలి యభేద్యం బగు నౌశనసవ్యూహంబు సంఘటించి వనచరబలంబుప
యి నడచినం గని రాఘవుండును బార్హస్పత్యవ్యూహంబు దీర్చి పేర్చి యెదురు
కొనియె; నా సేనలు రెండు నకాండక్షుభితసాగరయుగళంబుతెఱంగు దోఁప
నొండొంటిం గవిసె; నప్పుడు రాముండు రావణుతోడం దలపడియె; లక్ష్మణుం
డింద్రజిత్తును, సుగ్రీవుండు విరూపాక్షునిఁ, దారుండు నిఖర్వటుం దాఁకి; రిట్లురు
వాఁగునకును దేవాసురులకుంబోలె నాభీలసమరం బయ్యెనందు.
| 74
|
| క. |
సౌమిత్రి నిశితవిశిఖ
స్తోమంబుల నసురపతిసుతుం బొదివెను; సం
గ్రామమునకుఁ దొలఁగక యతఁ
డామనుజోత్తముని ముంచె నాశుగవృష్టిన్.
| 75
|
| ఉత్సాహము. |
అమరవైరివిభుఁడు, దశరథాగ్రసుతుఁడు నేపునన్
సమరసత్ప్రతాపకోపజాల్వలచ్ఛరీరు లై
తుములబాణపటలవృష్టిఁ దొప్పదోఁగి, యిర్వురుం
దమక మేది, తమక తమక తనిసి రాహవంబునన్.
| 76
|
| క. |
ఆరావణుండు నిజదో
స్సారంబున రాముబాహుసారం బతిదు
ర్వారం బగు టేర్పడఁ గని
వీరారంభంబు కడఁక విడిచి రయమునన్.
| 78
|
| క. |
మగిడి నగరంబు సొచ్చిన
బెగడి నిశాచరబలంబు పెల్లగిలుటయున్,
విగతభయుండు ప్రహస్తుఁడు
దగఁ గో ల్తల సేసె నత్యుదగ్రస్ఫురణన్.
| 79
|
| ఉ. |
ఆతనిఁ గాంచి తద్బలము లన్నియుఁ గ్రమ్మఱ నాహవోత్సవ
స్ఫీతము లై కడంగుటయుఁ ,బేర్చి విభీషణుఁ డుగ్రవానర
వ్రాతసమన్వితంబుగ నవారణ మార్కొనినన్ మహారణం
బాతత మయ్యె సైన్యనివహంబులు రెంటికి నద్భుతంబుగన్.
| 80
|
ప్రహస్తధూమ్రాక్షులయుద్ధము
| మ. |
కృతహస్తుండు, ప్రహస్తుఁ, డాహవకళాకేళీవిదగ్ధుండు, ద
ర్పితుఁ డై తాఁకె విభీషణుం గడఁక మై; బెంపారి వారిద్దఱున్
శిత[2]భవ్యోగ్రమయూరపత్రవిశిఖశ్రేణీశతచ్ఛన్ను లై
|
|
- ↑ భుగ్నావ
- ↑ శల్యోగ్ర; శౌర్యోగ్ర
