పుట:భారతం-ఆరణ్యం.pdf/299

⁠

జలధీంద్రు నుపాసించి యున్నంత, సముద్రుండు సకలజలచరప్రకరపరివారుం డై రాఘవునకున బొడసూపి “యయ్యా! నీవలనఁ బ్రీతుండ నైతి; నీ కెయ్యది ప్రియం బు సేయుదుఁ; జెప్పు” మనిన నతండు “నాకు లంకపై నరుగం దెరు విచ్చునది; యీని నాఁడు సూర్యనిభంబు లయిన మదీయదివ్యాస్త్రంబుల నిన్ను శోషింపంజేయుదు” ననిన విని సరిత్పతి రఘుపతి కి ట్లనియె.

⁠ 48

సీ.⁠

“జననాథ నీ కార్యమునకు నే విఘ్నంబు                  గావింపనోడుదు నేవిధమున వినుము, నావాక్యంబు; జను లెల్ల నెఱుఁగ నీ                  కిత్తఱి [1]దెరు విత్తునేని యింక నిల నెల్లవాఁడును విలసితదివ్యాస్త్ర                  బలమున సాధింపఁదలఁచు నన్ను మీయందుఁ గపివీరుఁ, డాయతమతి, విశ్వ                  కర్మసూనుఁడు శిల్పికర్మవిదుఁడు

⁠

ఆ.⁠

నలుఁడు నాఁగ నొకఁడు గలఁడు; వాఁడొలసి నా యందుఁ దరులు గిరులు నొందవైవ నవి ధరింతు నేను దివిరి నీకది సేతు వుగఁ గడంక నరిగి పగఱ గెలుము.”

⁠ 49

వ.⁠

అని యతని నొడంబఱిచి సముద్రుండు సనుటయు, వమ్మహీపతి నలు రావించి సేతుబంధనంబు సేయ నియోగించిన, ననేకవానరసహస్రంబులు నలుదిక్కుల కుం బఱచి గిరిశిఖరంబులుఁ దరునికరంబులు విఱిచి తెచ్చి యిచ్చుచుండ, న న్నలుండు మున్నీటియందు శతయోజనాయామంబును దశయోజనవిస్తారంబు నుంగా నతిధృఢంబగు సేతుబంధనంబు నిర్మించె; నయ్యవసరంబున.

⁠ 50

ఆ.⁠

అన్నతోడ [2]నలిగి యాప్తులుఁదాను వి భీషణుండు వినయభూషణుండు నెమ్మి నరుగుదెంచి నృపశిరోమణి రాము శరణుఁ జొచ్చె భక్తిభరితుఁడగుచు.

⁠ 51

క.⁠

ఆరాక్షసవృషభుని యా కారము నింగితముఁ జూచి కాకుత్స్ధకులో [3]ద్ధారుఁ డతని నతిధార్మికుఁ గా రూపించి ముద మొప్పఁ గైకొని కరుణన్.

⁠ 52

ఉ.⁠

వానికి దానవేంద్రువిభవంబు సమస్తము నిచ్చువాఁడు గాఁ బూని ప్రతిజ్ఞ సేసి, కృతపుణ్యుఁడు లక్ష్మణుతోడి [4]చెల్మియున్ వానికి నిచ్చి, చెచ్చెర నవారితవానరసైన్యయుక్తుఁ డై వానిఁ బురస్కరించుకొని వారిధి దాఁటె మహోగ్రలీలతోన్.

⁠ 53

వ.⁠

ఇట్లు సేతుమార్గంబున సాగరోత్తరణం బాచరించి, త్రికూటపర్వతం బెక్కి, లంకానగరంబుచుట్టును శిబిరంబులు సంఘటింపం బంచిన.

⁠ 54

క.⁠

తాలైలాగరు[5]చందన సాలతమాలామ్రనింబజంబూజంబీ రాలంకృతలంకావన జాలంబుల విడిసె వృక్షచరసైన్యంబుల్.

⁠ 55

వ.⁠

తదనంతరంబ రావణచారు లయిన శుకసారణు లనువారలు వానరాకారంబు లు దాల్చి శిబిరంబునఁ గ్రుమ్మరుచున్న నెఱింగి, విభీషణుం డారాక్షసులం బట్టించి రామునకు సమర్పించిన, నతండు వారికి నిజసైన్యం బంతయుం జూప నియోగించి విడిచిపుచ్చుటయుం, జని యయ్యిరువురు నమరవైరిం గని కపిసైన్యంబు దుర్జయం

⁠

1. నేఁ దెరు విత్తునేని
2. ఁబాసి
3. దారుఁ
4. బేర్మియున్
5. సాలర, సాల