| |
మగుడుచుం, దాఱుచుఁ, బాఱుచుం దిరుగుచు, సురుఁగుచు, మలయుచుఁ బొల
యుచు మత్తిల్లి గిరిగుహలయందును, దరువనంబులయందును, సరిదుపాంతం
బులయందును నానందంబున విహరించుచుండిరి; తదనంతరంబ.
| 40
|
| మ. |
ప్రభ నొప్పారి యనుంగుఁదమ్ముఁడు మహాభాగుండు సౌమిత్రి వీ
తభయుం డై కొలువం, గపీంద్రబలసంతానంబుతో నుద్ధతిన్
శుభలగ్నంబున రాఘవుండు గదలెన్ సుగ్రీవసాహాయ్యసం
ప్రభవోత్సాహ మెలర్ప దర్పితరిపుప్రాలేయతిగ్మాంశుఁ డై.
| 41
|
| ఉ. |
ఆహరివీరవాహినుల కన్నిటికిన్ మొగ మై, మరుత్సుతుం
డాహవదోహళుం డమరె; నంగద నీల నలాది వీరు లు
త్సాహము మీఱ నయ్యయి దెసం దగుకావలి యై, సమగ్రస
న్నాహమహోగ్రతం జనిరి నాకవిరోధివధాభిలాషులై.
| 42
|
| వ. |
ఇట్లు నడచి యెడనెడం బ్రభూతవన్యఫలజలాశయంబు [1]లగు ప్రదేశంబుల విడి
యుచుం, గపిసైన్యంబు గతిపయదినంబులకు దక్షిణోదధితీరంబు సేరి, రెండగు
వారాశియుంబోలె ఘూర్ణిల్లుచుండె; నంత రాఘవుండు రవితనయుం జూచి యి ట్లనియె.
| 43
|
| క. |
“మన[2]బల మిది యతిబహుళము;
వనధియును దుస్తరంబు; వానరవర! యి
వ్వననిధిఁ గడచు నుపాయము
మన కొక్కటి నిశ్చయింపుమా తగుబుద్ధిన్.
| 44
|
| తే. |
[3]అని విచారించునెడఁ గొంద ఱధిపుఁ జూచి
జడధి బలితంపుఁ దెప్పలఁ గడత మనిరి;
ఘనకలంబులు సమకట్టి కడత మనిరి
కొంద; ఱంతయు విని రఘునందనుండు.
| 45
|
| సీ. |
అల్లన నగుచు ని ట్లనియె “మీ చెప్పుటల్
దగిన యుపాయంబు నగున; యయిన
నగణితంబైన యీహరిసైన్యములకెల్లఁ
గలములుఁ దెప్పలు వలయునన్ని
సమకట్టు టరయ నశక్యంబు, శతయోజ
[4]నంబుల పరపైన యంబురాశిఁ
గలములఁ దెప్పలఁ గడుచుచో, రిపుకోటి
యెడరునఁ బైఁ బడి పొడువకున్నె?
|
|
| ఆ. |
యదియుఁగాక యల్పులగు వణిగ్జనముల
యోజ శూరతతికిఁ దేజ మగునె
కాన నాదుమతము గా దివ్విధంబు; నా
మనసు నిశ్చయంబు వినుఁడు మీరు.
| 46
|
| చ. |
వ్రతము ధరించి నిష్ఠ నుపవాసవిధిం గొలుతున్ సముద్రు; నా
కితఁడు ప్రియంబుతోడఁ దెరు విచ్చుట యంతన కల్గెనేని మే;
లితరునిఁగా ననుం దలంచెనేని నమానుషరోషవేగదీ
పితశరవహ్ని నిజ్జలముఁ బీల్చెదఁ; బ్రేల్చెద నొక్కవ్రేల్మిడిన్.”
| 47
|
రాముఁడు దర్భశయనుం డై సముద్రుం బ్రార్థించుట
| వ. |
అని పలికి దశరథాగ్రసూనుండు దానును దమ్ముండును నుపవసించి, దర్భశయనులై
|
|
- ↑ లగుగురుప్రదేశంబుల
- ↑ మును నతి...నగుభంగిన్
- ↑ అనిన వారు విచారించి యధిపుఁ జూచి
- ↑ నాయతంబైనయీయంబురాశిఁ...కాన నాకు...మనము నిశ్చ
