| |
సూతహయధ్వజపాతపూర్వకముగ
రథములు దుము రయ్యె రథులతోన;
వెస [1]రావుతులతోన వస మఱి హయములు
గెడసి యెల్లెడలను బుడమిఁ గప్పె;
దందడి దెరలుచు సందడి పెల్లుగాఁ
గాలుబలంబులు గూలెఁ గలయఁ;
|
|
| ఆ. |
దుముల మధిక మయ్యె; సమరతలంబున
ఘోరరుథిరవారిపూర మెసఁగె;
జితవిరోధిబలుఁడు శతమఖసూనుండు
చాపనైపుణ్యంబు సూపునపుడు.
| 225
|
| తే. |
సవ్యకరమునందును నపసవ్యకరము
నందుఁ బర్యాయసంగత మగుచుఁ జూడఁ
గొఱవి ద్రిప్పిన యొప్పున మెఱసెఁ బార్థు
గాండివము వాలుఁదూపుల [2]గని యనంగ.
| 226
|
| వ. |
అట్టియెడం ద్రిగర్తపతి యైన సుధన్వుండు గదాహస్తుం డై రథంబు డిగ్గి చని ధర్మ
తనయు రథ్యంబులఁ గూలనేసిన, నతండు నిశితసాయకంబున వానియురంబు వ్రచ్చి
విగతజీవుం గావించి, సత్వరంబుగాఁ జని సహదేవు నరదం బెక్కె; మఱియును
ద్రిగర్తులలోన మహాముఖక్షేమంకరు లనువారు నకులుం బొదివి ఘనశరా
సారంబు గురిసి జలధరంబులుంబోలె గర్జిల్లిన నమ్మాద్రీసూనుండు వారి
నిద్దఱఁ బెక్కమ్ముల నొప్పించె; నంతఁ దదీయాగ్రజుం డగు సురథుండు.
| 227
|
| చ. |
కరినికరంబుతోఁ [3]దొడరి గర్వితుఁ డై తనవారణేంద్రు న
క్కురుకులవీరుమీఁద నెస కొల్పినఁ, దద్రథఘోటకంబుల
బరుషతఁ జంపె నగ్గజము; వాయక వాఁ డసిచర్మహస్తుఁ డై
ధరణికి దాఁటుచో నది మదంబున వెండియుఁ బైఁ గడంగినన్.
| 228
|
| చ. |
తొలఁగక యమ్మహాబలుఁడు దోర్బల మొప్పఁ గృపాణపాతభం
గులఁ గరినాథు [4]కేలు నిరుగొమ్ములతో బెరయంగఁ ద్రుంప బె
ట్టిలకు విచేష్టమై నొఱగు నేనుఁగుపై నతిమాత్రభీతివి
హ్వలుఁ డగు శత్రు నుద్ధతిఁ గృతాంతవిధేయునిఁ జేసె వ్రేల్మిడిన్.
| 229
|
| క. |
వైరులు దలఁకఁగ నిమ్మై
దారుణపౌరుషవిశేషదక్షుం డై య
వ్వీరుఁడు రయమున నరిగి స
మీరతనయు నరద మెక్కి మెఱసెం బోరన్.
| 230
|
| చ. |
ఘనుఁడు వృకోదరుండు దనుఁ గట్టలుకం దలపడ్డఁ గోటికా
స్యునితురగంబులం దునిమి, సూతునికంఠంబు ద్రుంచివైచి, తీ
వ్రనిశిత మైన ప్రాసమున వాని యురంబు వగిల్చి చంపినం
గనుకనిఁ బాఱె భీతిఁ యెసఁగంగఁ దదీయచమూసమూహముల్.
| 231
|
అర్జునుఁడు సౌవిరకుమారులం బన్నిద్దఁఱ జంపుట
| వ. |
అంత నంగారకుండును, గుంజరుండును, సృంజయుండును, సుప్తకుండును, శత్రుం
జయుండును, సుప్రబుద్ధుండును, శుభంకురుండును, భ్రమంకరుండును, శూరుండు
ను, రథియును, గుహకుండును, బలాఢ్యుండును నను సౌవీరకుమారులు పన్నిరు
|
|
- ↑ రాహుతుల...గెడసి యెయ్యెడ
- ↑ గమి యనంగ
- ↑ గడఁగి...క్కురుకుల...నెసకొల్పినఁ
- ↑ కేలి నిడుగొమ్ముల; కే ల్నిడుదగొమ్ముల
