Jump to content

పుట:భారతం-ఆరణ్యం.pdf/222

వికీసోర్స్ నుండి
ఈ పుట అచ్చుదిద్దబడ్డది


⁠

దగ నొనరించు నీకృప
నెగడెద మివ్వరము మాకు నీ వొసఁగఁ దగున్.”

⁠ 248


వ.⁠

అనినం గార్తికేయుం డి ట్లనియె.

⁠ 249


క.⁠

“అక్కట! కీడు దలంచితి;
రిక్కార్యము దగవె? యైన నిచ్చితి; మీకున్
మ్రొక్కినఁ, గొల్చిన, వేఁడిన
నక్కటికముతోడఁ గావుఁ డమ్మ శిశువులన్.

⁠ 250


క.⁠

పాయక పదియాఱేఁడుల
ప్రాయమునందాఁక నరుల బాధింపుఁడు మీ;
రాయతమదంశజనితు, న
జేయు నొకని మీకు రక్షఁ జేయం బనుతున్.”

⁠ 251


వ.⁠

అని పలికి యమ్మహాసేనుండు నిజదేహంబునం గాంచనవర్ణుం డైనపురుషు నొక్క
రు నుత్పాదించిన, వాఁడునుం బుట్టినప్పుడ [1]యాఁకలి గదిరి తిరిగి నేలంబడి మూ
ర్ఛితు డైనం, గుమారుండు వానికిఁ జైతన్యం బొసంగె; నతండును స్కందప
స్మారం బనుపేరిగ్రహం బై మాతృకాగణరక్షకుం డయ్యె; మఱియు శకునిమాత
యైనవినతయు, దైత్యమాత యైనదితియు, గోమాత యైనసురభియు, శునకమాత
యైనసరమయు, వృక్షమాత యైనకరంజయు, సర్పమాత యైనకద్రువయుఁ,
గుమారుదాది యైనలోహితాస్యయు మాతృగణసమన్విత లై గర్భపీడనంబును,
శిశుపీడనంబునుం జేయుచు మనుష్యులవలన బలిమంత్రోపహారదానతర్పణం
బులఁ దృప్తిం బొంది, బాలురకు నాయురారోగ్యసుఖంబుల నొసంగుదురు;
షోడశవర్షంబులమీఁదఁ గొన్నిగ్రహంబులు గలవు చెప్పెద వినుము.

⁠ 252


సీ.⁠

నిద్రించుతఱినొండె, నెఱయ మేల్కనియున్న
                 తఱినొండె, సురసముదయముఁ గాంచి
[2]బ్రమసి పల్వలుకులు పలుకుమానవుఁ జోఁకు
                 నదియ దేవగ్రహమని యెఱుంగు
నది; శయానుండయ్యు నాసీనుఁ డయ్యుఁ బి
                 తృశ్రేణిఁ గని యున్మదించెనేని
నది పితృగ్రహము; భ్రాంతాత్ముఁ డై నరుఁడు గం
                 ధర్వులఁ గనిన గాంధర్వ మనియుఁ

⁠


తే.⁠

బరగు గ్రహముచోఁకది; కాలపర్యయమున
గదిరి భ్రమియించెనేని యక్షగ్రహంబు;
వాతపైత్యాదివికృతులవలన బుద్ధి
దప్పుటయు నొక్క గ్రహవైకృతంబ యండ్రు.

⁠ 253


క.⁠

విను డెబ్బదియేం డ్లగుదాఁ
కను [3]జనుల కవగ్రహోపఘాతంబులు గ
ల్గు; ననంతరంబ గ్రహముల
పని వలవదు; ముదిమి యెల్లపనులకుఁ జాలున్.

⁠ 254


క.⁠

నియతి కలిగి, యింద్రియముల
జయించి, శుచు లైన శాంతిసంపన్నులకున్
భయ మొనరింపఁగ లే వ
వ్యయపుణ్యా! గ్రహము లే యవస్థలయందున్.

⁠ 255


వ.⁠

మఱియు నొక్కటి సెప్పెద.

⁠ 256


ఆ.⁠

ఆదిదేవుఁ డగు మహాదేవుమీఁద నె
వ్వాని మనసు భక్తివైభవమున
నుల్లసిల్లు, నతని నెల్లకార్యముల డ
గ్గఱదు సూవె గ్రహవికార[4]వితతి.”

⁠ 257


వ.⁠

అని చెప్పి మార్కండేయుం డి ట్లనియె “నట్లు గుహుండు గ్రహంబుల నియో
గించునెడ నగ్నివల్లభ యల్లన నతనిం జేర నరిగి యి ట్లనియె.

⁠ 258
  1. ↑ యాఁకలిం దగిలి తిరిగి
  2. ↑ బ్రమసినపలుకులు ... బొందు నదియ
  3. ↑ మానవులకు గ్రహోప
  4. ↑ వికృతి; తతుల