పుట:భారతం-ఆరణ్యం.pdf/216

⁠

యాక్షణంబ గరుడియై గగనంబునకు నెగసి, యతిత్వరితగమనంబున శ్వేతపర్వ తంబునకుం జని యం దొక్కయెడ శరవణస్తంబసంవృతం బైనకాంచనకుండం బునందు నిజభర్తశుక్లంబు సంగ్రహించి మఱియును.

⁠ 202

క.⁠

మునిపత్నులరూపులు గై కొని [1]యిట్టుల వరుసఁ బుష్పకోమలి ప్రియుఁ బ్రీ తునిఁ జేయుచు రేతస్కం దన మొనరించుచును వచ్చెఁ దత్కలశమునన్.

⁠ 203

తే.⁠

విను పతివ్రతాతిలక మై వెలయునట్టి యయ్యరుంధతిరూపంబు నలవరింప నెట్లు నేరద; కాని యయ్యింతి యున్న యువిద లార్వురరూపులు నొనరఁ దాల్చె.

⁠ 204

వ.⁠

ఇవ్విధంబున నాఱుమాఱులు ప్రస్కందితం బైనయగ్నితేజంబున.

⁠ 205

కుమారస్వామియవతారము

క.⁠

ఆదిత్యనిభుఁడు, విపుల ద్వాదశబాహుండు, షడ్వదనుఁ డఖిలదిశా రోదోంతరంబు వెలుఁగ మ హోదారుం డై కుమారుఁ డుదయం బయ్యెన్.

⁠ 206

వ.⁠

ఇట్లు శుక్లపక్షంబునం బాడ్యమియందు వీర్యనిషేకంబును, విదియయందు గర్భ వ్యక్తియుఁ, దదియయందు శరీరమాత్రావిర్భావంబునుం, జతుర్థియందు సకలావ యవసంపూర్ణతయు నై యుదయించినకుమారుండు పంచమియందు సముత్థితా కారుం డై పేర్చి, త్రిపురదహనసాధనం బైనహరుకార్ముకం బమ్మహీధరంబునందు నిక్షిప్తం బై యున్నదానిం బుచ్చుకొని, గుణధ్వని సేసిన, నమ్మహాధ్వని విని కలుషించి యైరావతసుప్రతీకంబు లనుదిగ్గజంబు లయ్యగ్నిభవుమీఁదం బఱతెంచిన, నమ్మ హాభుజుం డారెంటినిం బెనఁచి పట్టి రెండుచేతుల ధరియించి తనసహజం బైన శక్తి యొక్కకేలం, గ్రీడార్థకలితం బైనకుక్కుటం బొక్కకేలను, బరిపూర్యమా ణనినదం బైనశంఖంబు గరద్వయంబునం దాల్చి, హస్తయుగళంబున గగనంబు వ్రేయుచుం బాణియుగ్మంబు వక్త్రంబుల నిడికొని బాల్యోచితంబు లైనయంగు ళిచర్వణంబులు పొరిఁబొరి నొనరించుచు, నిశితసాయకంబునం గ్రౌంచపర్వతవి భేదనంబు సేసి, పటుశక్తిపాతంబున శ్వేతశైలశృంగభంగంబు గావించి, చెలంగి, యాఱుముఖంబుల నొక్కపెట్ట యార్చినం బ్రళయభైరవారావభీషణం బైనత దాఘోషణంబున.

⁠ 207

మ.⁠

కులశైలంబులు [2]గ్రక్కునం గదలె; దిక్కుల్ వ్రయ్య లయ్యెన్; మహీ వలయం బంతయు దిర్దిరం దిరిగె; దేవవ్రాతముల్ సాధ్వసా కులతం బొందెఁ; బయోధు లన్నియును సంక్షోభించె; సప్తాశ్వుస ప్తులు బిట్టుల్కి రథంబు నల్‌దెసలకుం బో నీడ్చె సంభ్రాంతమై.

⁠ 208

క.⁠

అట్టి మహోత్పాతంబులు పుట్టినఁ గని మునులు లోకములకు శుభముగా నెట్టన శాంతికవిధు ల ప్పట్టున నొనరించి రాత్మభావనపరు లై.

⁠ 209

1. వరుసన్ వచ్చి పుష్ప ... దత్కుండమునన్
2. గ్రక్కదం గదలె; మ్రోసి గ్రక్కదలె ... జిఱ్ఱునం దిరిగె ... నుద్భ్రాంతిమై