పుట:భారతం-ఆరణ్యం.pdf/184

⁠

దడయక యొప్పింపవలయు; [1]నట్లయినం గొనిపొ” మ్మనిన “వల్లె” యని వామ్యంబు లం గొని రథయుక్తంబులం గావించి తదీయజవంబునకు మెచ్చుచు ముహూర్త[2] మాత్రంబునఁ గూడముట్టి [3]యమ్మృగంబు సమయించి మగిడి నిజపురంబునకు వచ్చి.

⁠ 339

మత్తకోకిలము.⁠

“రాజయోగ్యములైన యీ హయరత్నముల్ జవసత్త్వవి భ్రాజితంబులు వాని కేటికిఁ బాఱువానికి” నంచు నా రాజు రాజసబుద్ధి నంతి[4]పురంబునం దిడఁ బంచె న వ్వాజియుగ్మము వేడ్క నూనినవాఁడు దోస మెఱంగునే.

⁠ 340

వ.⁠

[5]అట వామదేవుండును దన యశ్వంబుల శలుండు గొనిపోయి మగుడ నొప్పిం పక [6]తడయుటయు నాత్మగతంబున.

⁠ 341

తే.⁠

“రాజపుత్త్రుండు బలియుండు [7]రాజసుండుఁ [8]గొండికాతండు వేడుకఁ గొనుచు [9]నరిగె; నశ్వములఁ గ్రమ్మఱఁగ నిత్తు నను విచార మెవ్విధంబున నతనికి నేల కలుగు?”

⁠ 342

వ.⁠

అని శంకించి నిజశిష్యుం డాత్రేయుం డనువానిం జూచి “శలుండు మన వామ్యంబులం గొనిపోయి యొక్కమాసం బరుగుదెంచె; వాఁడును దనయంతఁ దెచ్చుట గలుగనేరదు; నీ వరిగి మనతురంగరత్నంబులం గొని ర”మ్మని పంచిన నప్పుడ కదలి యయోధ్యానగరంబునకుం జని.

⁠ 343

క.⁠

మనుజపతిఁ గాంచి యాతఁడు “మునిపతి పుత్తేర నధిపముఖ్య! [10]యిచటి కేఁ జనుదెంచితి; మా హయముల నెనసిన నెయ్యంబుతోడ ని” మ్మనియె దగన్.

⁠ 344

క.⁠

అనవుడుఁ శలుఁ డి ట్లనియెం “జను నినుఁ బుత్తేర నతఁడు; సాలుడు వీవుం గొనిపోవఁ దురంగంబులఁ; జను మీ దుర్భాషితములు నైఁపవు మాకున్.”

⁠ 345

వ.⁠

అనిన నమ్మునికుమారుండు గ్రమ్మఱి చని గురునకు నవ్విధం బెఱింగించిన వామ దేవుండు క్రోధపరీతచేతస్కుం డై శలునిపాలి కరిగి యి ట్లనియె.

⁠ 346

క.⁠

“ఇమ్ము నరేశ్వర! మాతుర గమ్ముల నీకార్య మయ్యెఁ గాదే; కడులో భమ్మున నొండ్లవి సొమ్ములు రమ్మనిన్ వచ్చునే? యెరవు సత మగునే?

⁠ 347

క.⁠

పరధనహరణము దురితము; పరికింపుము; వరుణుచేతిపాశంబుల ని ష్ఠురముగఁ గట్టువడకు; ని ర్భరనరకకృశానుశిఖలఁ బడకుము మీఁదన్.”

⁠ 348

చ.⁠

అనుటయు నాతఁ డి ట్లనియె “నాఱడి విప్రుల కేల యశ్వముల్? ఘనతరసత్త్వమూర్తు లనఁగాఁ దగునెడ్లను రెంటి నిచ్చెదన్; విను మటు గాక బల్లిదపువేసడముల్ వలతేని నిత్తుఁ గై కొనుము [11]కడంగి; వామ్యములఁ గోరక పొ; మ్మడియాస లేటికిన్?”

⁠ 349

క.⁠

అనిన “నివి యేటిమాటలు? వినువారలు నవ్వ నకట! విప్రులధనముల్

⁠

1. ననిన వల్లె యని; నట్లేనిం
2. మాత్రంబునకు నమ్మృగంబు గూడముట్టి దానిని సమయించి
3. మృగంబు
4. పురంబున న్నియమించె
5. అంత
6. తడయుట కాత్మ; తడయుటకు నాత్మ
7. రాజసమునఁ, గోడెకాఁడు వేడుకబడి గొనుచు (గొంచుఁబోయె) నరిగె
8. గొండికాఁడు వేడుకబడి గొనుచు; గోడుకాఁడు వేడుకపడి గొనుచు; గొండొకాతఁడు
9. బోయె
10. యిచటికిం, జను
11. తగంగ