| |
క్రము లై గ్రహంబు; లారో
గ్యము సౌఖ్యము సమధికముగఁ గలుగు నరులకున్.
| 314
|
| వ. |
ఇది కృతయుగప్రవర్తనంబు; త్రేతాద్వాపరయుగద్వితయంబునందును ధర్మంబ
వర్తిల్లు; నిట్టితెఱంగునం గాలగతు లనేకంబులు నాకుం బ్రత్యక్షసిద్ధంబు లయ్యె;
నీ వడిగిన యతీతానాగతంబు లయినవిశేషంబు లెఱింగించితి; నింక నొక్క
హితోపదేశంబు సేసెద నాకర్ణింపుము.
| 315
|
| క. |
ధరణీసురులకు నెప్పుడుఁ
గరమిష్టము సేయుమయ్య కౌరవవంశో
త్తర! విప్రులు సంతుష్టిం
బొరసినఁ జేకుఱు నశేషపుణ్యఫలంబుల్.
| 316
|
| సీ. |
సకలభూతములందు సదయాత్ముఁడవు గమ్ము;
పాలింపు ప్రజల నీ ప్రజలఁ బోలె;
వితతవృద్ధాచారవేది వై ధర్మంబు
సలుపుము; దురితవర్జనము సేయు;
మెఱుఁ[1]గమిఁ బాప మొక్కించుక దొడరినఁ
జయ్యన ప్రతీకారశాలి వగుము;
గర్వంబు విడువుము; గరము ప్రియంబును
నిజమునుగా వచోనియతి నడపు;
|
|
| తే. |
కాలగతులెల్ల నెఱిఁగి యస్ఖలితబోధ
యుక్తుఁడవు గమ్ము; భరతవంశోద్భవుఁడవు
నీవు గావున నత్యంతనిర్మలుఁడవు
ప్రాజ్ఞుఁడవు నీకు వేఱ చెప్పంగ నేల?”
| 317
|
| వ. |
అనిన విని “మునీంద్రా! నీయానతిచ్చినవాక్యంబు లన్నియు నవహితుండ నై వింటి;
నింతకుమున్ను నాయోపినతెఱంగున లోభమాత్సర్యాదిదుర్గుణంబులు పరి
హరింతు; నింకను భవదుక్తం బైనధర్మశాసనంబును బ్రయత్నంబునం బాలిం
చెద” నని యతనికి యుధిష్టిరుండు ప్రణమిల్లి మఱియును బ్రాహ్మణప్రభావంబు
వినువాఁ డై యతనిం బ్రార్థించినఁ దద్విషయం బైనయితిహాసం బతనికి నమ్మహా
ముని యి ట్లని చెప్పె.
| 318
|
మార్కండేయుండు ధర్మరాజునకు బ్రాహ్మణప్రభావంబు సెప్పుట
| చ. |
“ఘనుఁడు పరిక్షితుం డనఁ బ్రకాశితుఁ డైనమహీవిభుండు భా
నునిభుఁడు భానువంశ్యుఁడు వినూతనకీర్తి యయోధ్య యేలువాఁ
డనుపముఁ డొక్కనాఁడు మృగ[2]యారతుఁ డై చరియించెఁ గానన
మ్మున నొకరుండ యిమ్ముల నపూర్వజవోగ్రహయాధిరూఢుఁ డై.
| 319
|
| వ. |
ఇవ్విధంబునం బెక్కుమృగంబుల వధియించుచుఁ గ్రుమ్మరువాఁ డొక్కయెడ.
| 320
|
| ఆ. |
[3]మదభరాభిరామమృదులయానం బొప్ప
నల్లఁ బొలయుచును లతాంతరములఁ
గరము లీలఁ గమ్మవిరులు గోయుచునున్న
పువ్వుఁబోఁడి నొక్కపొలఁతిఁ గనియె.
| 321
|
| క. |
కని యంతఁ గదిసి యాకా
మినియొప్పులఁ జూడ్కి దగుల మీఱినతమకం
బున ననిమిషలోచనుఁ డై
జననాథుఁడు మదనబాణసంహతిఁ దూలెన్.
| 322
|
| వ. |
అదియును నతిసుందరం బైనతదీయమూర్తివిభవంబునకు మెచ్చి సాభిప్రాయం
బుగా నవలోకించె; నంత నమ్మహీకాంతుఁ డక్కాంత కి ట్లనియె.
| 323
|
- ↑ గని పాప
- ↑ యాతురుఁ డై చరియించచుండెఁ గా, ననమున నొక్కరుం డయి (బ్రభూతబలోగ్రహయాధి) తనర్చినవాఁడు హయాధి
- ↑ మదగజాభిరామ
