పుట:భారతం-ఆరణ్యం.pdf/179

⁠

గాలంబుతోఁ గూడఁ గల్గవు వానలు                  పొల్లు లై బీజముల్ వొలిసిపోవుఁ; గ్రయవిక్రయంబులఁ గపటంబు దఱచగుఁ;                  గడఁగి యిల్లడసొమ్ము లడఁచి కొండ్రు;

⁠

ఆ.⁠

సాధుచరితు లైనజనులు దుర్గతుల రో గములఁ దెగుదు రల్పకాలమునన; పాపపరులు లగ్గుఁ బరమాయువును, నరో గతయు సిరియుఁ బొందఁ గాంతు రెందు.

⁠ 294

క.⁠

ఉఱ వగు [1]నారికెపంటలు గొఱియలపాఁడియును దఱ చగుం; బురుషులకుం దెఱవలు సుట్టము లయ్యెద; రెఱచియు భుజియింతు రర్థి నెల్లజనంబుల్.

⁠ 295

క.⁠

పితృదైవతకార్యంబుల నితరేతరభోక్త లగుదురు; రెల్ల యెడలఁ గు త్సితదేశకాలపాత్ర ప్రతతియ వర్తించు దైవపైతృకవిధులన్.

⁠ 296

క.⁠

హేతుప్రత్యుయవాదవి చేతసు లై, [2]వేదనింద సేయుచును, మఖ వ్రాతంబులు వ్రతములుఁ బెడఁ బాతురు దుర్మార్గకర్మపరులై విప్రుల్.

⁠ 297

మ.⁠

వనితాదుర్బలదీనబంధుజనసర్వస్వాపహారుల్, సుహృ జ్జనమాతాపితృపుత్త్రహంతలు, యదృచ్ఛాకర్మశీలుర్, ధరన్ జనసంపూజితు లై చరింతురు; వినష్టశ్రీకు లై విప్రు లా జనులం జేరి [3]ప్రతిగ్రహించెద రవజ్ఞాపూర్వదుర్విత్తముల్.

⁠ 298

మ.⁠

ధరణీరక్షణ మాచరింపక నృపుల్ దర్పంబునం బశ్యతో హరులై, సాధుల [4]ద్రోఁచి, చేకుఱు తదీయశ్రీధనక్షేత్రముల్ హరియింపం గలవారు; దారుణతరం బై పెల్లు చెల్లుం బర స్పరయుద్ధంబు ధరాతలేంద్రులకు విశ్వప్రాణినాశంబుగన్.

⁠ 299

క.⁠

సుతుఁ డవమానించు జనకుఁ; బతి నవమానించు భార్య; పడఁతులుఁ బతులున్ మతి నొండొరువుల మెచ్చక సతతముఁ జరియింతు రిష్టసంచారములన్.

⁠ 300

క.⁠

నడవవు దేవపితృక్రియ; లుడుగును వేదార్థసమ్యగుపదేశంబుల్; గడఁగు[5]ను మోహతమంబులు; పుడమి సమస్తంబుఁ గుజనభూయిష్ఠ మగున్.

⁠ 301

సీ.⁠

పదియాఱువర్షముల్ పరమాయు వయ్యెడు;                  ధరణీశ! కలియుగాంతమున వినవె; యేడును నెన్మిదియును నేండ్ల ప్రాయంబునఁ                  బ్రజ లుద్భవింతురు భామినులకు; ద్రవ్యవిహీనులై దాత యొక్కఁడు లేక                  యన్యోన్యతస్కరు లగుదు రెందు; నెఱిఁగెడువారును నెంతయుఁ గ్రూరు లై                  చెనసి పాపంబు సేసెదరు సూవె;

⁠

తే.⁠

యన్నవిక్రయ మొనరింతు రఖిలజనులు; వేదవిక్రయ లగుదురు విప్రవరులు; పణ్యయోనుల యగుదురు పద్మముఖులు; గష్టతరమైన యక్కలికాలవేళ.

⁠ 302

తరువోజ.⁠

ఉక్కున శూద్రు లత్యుగ్రులై కవిసి                [6]యొక్కండ పెక్కండ్ర నుఱక చంపుటయు, ది క్కెవ్వరును లేక దీను లై వసుమ                తీసురుల్ నాలుగుదెసలఁ బాఱెదరు

⁠

1. నారుగపంటలు; నారకపంటలు
2. దైవనింద
3. పరిగ్రహించె
4. దోచి ... బరస్పరవైరంబు
5. మహామోహతమము ... లోభభూయిష్ఠ; నరకభూయిష్ఠ
6. యొండొండ