పుట:భారతం-ఆరణ్యం.pdf/152

క.⁠

ఈతఁడు పరాక్రమమున న రాతుల వధియించి యిద్ధరారాజ్యము వి ఖ్యాతముగ నిచ్చు నీకు; మ హాతేజుఁ డజేయవీర్యుఁ డని నెవ్వరికిన్.”

⁠ 47

క.⁠

అని చెప్పి యనిమిషప్రభుఁ డనిమిషనివహంబుతోడ నమరావతికిం జనియె నిజాలోకమున కనఘులు పాండవులు హర్ష మందుచు నుండన్.

⁠ 48

మధ్యాక్కర.⁠

ఘనముగ ధనదేంద్రపాండుసుతసమాగమ మొక్కయేఁడు దనరంగ బ్రహ్మచర్యవ్రతస్థు లై తగిలి నిత్యంబు వినిన పుణ్యాత్ములును, జదివినవారు విభుత నూఱేండ్లు నొనర జీవింతు రత్యంతసత్కాంతియుక్తు లై ధరణి.

⁠ 49

వ.⁠

ఇట్లు సురేంద్రుం డరిగిన ధర్మతనయుం డర్జునుం జూచి పరమానంద[1]నిర్భర హృదయుం డై యి ట్లనియె.

⁠ 50

సీ.⁠

“హరుఁ డాదిగాఁ గల్గు నమరగణంబుచేఁ                  బడసి దివ్యాస్త్రముల్, పరమ మైన యుపకార మమరుల కొనరించె నీ పార్థుఁ                  డని నాకుఁ జెప్పె వృత్రాంతకుండు; దివ్యాస్త్రలాభమ్ము, దేవేంద్రునకుఁ బ్రీతి                  గా వేల్పులకు నుపకారి వైన [2]విధమును మా కిప్డు విన వేడ్కయైనది”                  యని తన్ను నడిగిన నగ్రజునకుఁ

⁠

ఆ.⁠

నగ్రజన్మపూజ్యు లగుధౌమ్యరోమశ ప్రభృతివరులయొద్దఁ బాండవేయుఁ డసదృశప్రభావుఁ, డతివీరుఁ డర్జునుఁ డాత్మచరిత మిట్టు లనుచుఁ జెప్పె.

⁠ 51

వ.⁠

“ఏను భవదధిష్టితవిద్యాప్రభావంబున తపోనియుక్తుండ నై హిమవంతంబునకుం జని, యందు నాముందట వృద్ధబ్రాహ్మణుం డై యున్న వృద్ధశ్రవుం గని, తదుప దేశంబున నీశ్వరుఁ గుఱించి యుగ్రతపంబు సేసిన, నీశ్వరుండు గిరాతరూపధరుం డై నాతోడ నతిఘోరయుద్ధంబు సేసి నాకుఁ బ్రసన్నుఁ డై, నిజరూపంబుఁ జూపి పాశుపతాస్త్రంబుఁ బ్రసాదించె; ననంతరంబ యింద్రాదిదేవతలవలన నైంద్రా గ్నేయయామ్యరాక్షసవారుణవాయవ్యకౌబేరగాంధర్వపైశాచబ్రాహ్మ్యంబు లనం బరగుదివ్యాస్త్రంబులు వడసి, మహేంద్రానుగృహంబున మాతలి ప్రయుక్తం బైనదివ్యరథం బెక్కి, యీశరీరంబుతోడన యమరావతి కరిగి, యం దమరేంద్రు నాచర్యుఁగా వరించి, తత్ప్రసాదంబున దివ్యాస్త్రంబుల ప్రయో గంబును, నుపసంహారంబును, [3]నివర్తనంబునుఁ, బ్రాయశ్చత్తంబును, బ్రతిఘాతంబు లును నేర్చిన నాకు సంతోసిల్లి సురేంద్రుం డి ట్లనియె.

⁠ 52

క.⁠

“నీ వఖిలశస్త్రవిదుఁడవు గావున నిన్నాజి నోర్వఁగా నోప రొరుల్ దేవతలకు బ్రాహ్మణులకుఁ గావింపు హితంబు దీనఁ గడుసిద్ధి యగున్.

⁠ 53

క.⁠

నాకు గురుదక్షిణార్థము నాకహితార్థంబుగా జనస్తుత బుద్ధిం జేకొని నాపనిచినపనిఁ బ్రాకటముగఁ జేయు మహితభంజనశక్తిన్.

⁠ 54

తే.⁠

జలధికుక్షిలోనుండి ధీరులు నివాత కవచు లన మూఁడుకోట్లదానవులు బలిమిఁ

⁠

1. భరిత
2. విధము మాకు వినంగ వేడు కైనది చెప్పు మని తన్ను
3. నివృత్తియుఁ