పుట:భారతం-ఆరణ్యం.pdf/133

క.⁠

“గురుశుశ్రూష యొనర్చుచుఁ బరమక్లేశమునఁ జేసి పడసిన విద్యల్ స్ఫురియించుఁగాక; గురుముఖ విరహితముగఁ బడసినవియు వెలయునె యెందున్?

⁠ 282

వ.⁠

నీవు గురుముఖంబునం బడయక యొండువిధంబునం బడయుటం జేసి నీయధ్యయ నశ్రుతంబులు నిర్వీర్యంబు లయ్యె; గురుశుశ్రూషాసంతోషకరుం డై రైభ్యుండు బ్రహ్మజ్ఞానం బుపార్జించెం; గావున నాతం డిట్టిశక్తి వడసె” నని దేవతలు దివంబున కరిగి; రిది యవక్రీతునివాసం; బిందు వసియించినవారు దురితవిముక్తు లగుదు; రిది కాలశైలం; బిది సప్తవిధం బైనగంగ; యిది మనుష్యుల కగోచరం, బిందయుండి సమాధిశౌచపిరయత్నపరులై చూడుం; డిది మందరనగం; బిందు నానాప్రహర ణపాణులై యష్టాశీతిసహస్రగంధర్వులు కిన్నరకింపురుషసుపర్వులు సురేంద్రుం గొలిచి బోయెద; రిందుల కాఱునూఱుయోజనంబులు గలదు కైలాసపర్వతం; బిందుఁ గుబేరుం డుండు” నని రోమశుండు సెప్పినం బాండవులు కృతసమాధిశీ లురై వానినెల్లం జూచి; రంత నంతకసుతుండు భీమున కి ట్లనియె.

⁠ 283

సీ.⁠

“దుర్గమం బైన యీదుర్గమార్గంబున                  నడవంగ నేర; మున్నతరథముల నింద్రసేనాదుల, నీధౌమ్యవిప్రుల,                  ద్రుపదతనూజను దోడికొనుచు సహదేవుఁడును నీవుఁ జట్టనఁ గ్రమ్మఱుఁ;                  డేనును, నకులుండును నేఁగి రోమ శాదేశమునఁ జేసి యఖిలతీర్థంబులు                  నాడి వచ్చెదము; మాయరుగుదెంచు

⁠

ఆ.⁠

నంత కెంతయును బ్రయత్నంబుతోఁ గృష్ణ గాచియుండుఁ” డనిన ఘనుఁడు భీముఁ డనియె “నిట్టి రాక్షసాకీర్ణవనములో నిన్నుఁ బాయనగునె నిమిష మేని?

⁠ 284

చ.⁠

అనఘచరిత్రు, నర్జును, మహాభుజు నొక్కనిఁ బాసి వంతఁ బొం దినయెడ, నిట్టిచోట సహదేవుఁడు, నేనును, గృష్ణయున్ జగ జ్జననుత! నిన్నుఁ బాసిన నసహ్యతరం బగు తీవ్రతాపవే దన యగు నీకు మాకు, నుచితంబె పరస్పరభేద మెన్నఁడున్?

⁠ 285

క.⁠

కడు డస్సి నడవనోపని యెడ నీకమలాయతాక్షి, నీకవలను నే దడయక [1]నఱకట నిడికొని కడఁకం గొనివత్తు విషమగహనాంతములన్.

⁠ 286

వ.⁠

ఈరథంబులతోఁ బోవ నిమ్ముగాదేని వీని నింద్రసేనాదుల నెందేని బెట్టి పోద” మనిన రోమశుం డి ట్లనియె.

⁠ 287

క.⁠

“అతులతపోవీర్యబలో న్నతిఁ బోదము గంధమాదవంబునకు; సమా గతు నందుఁ గాంతు మర్జును, నతివీరు, నుదారు, [2]సురగణార్చితుఁ, బార్థున్.”

⁠ 288

వ.⁠

అనిన నందఱు సంతసిల్లి యరుగువారు ముందర ననేకపహయరథసనాథం బై, యపారకిరాతబలసంకులం బైనదానిఁ, బుళిందాధిపతి యైనసుబాహుపురంబుఁ గని యందు వానిచేతం బూజితులై తమరథసూతహయనివహంబుల నింద్ర

⁠

1. నయింతు నా యఱ, కడ నిడుకొని పఱతు నెట్టి; యఱకడ నిడికొని, కడకం గొనివత్తు మిమ్ము
2. నురుగుణాన్వితుఁ