Jump to content

పుట:భారతం-ఆరణ్యం.pdf/100

వికీసోర్స్ నుండి
ఈ పుట అచ్చుదిద్దబడ్డది


⁠

గ్గలముగఁ జేసె భోజనము గంఠముదాఁక [1]నకుంఠవీర్యుఁ డై.

⁠ 344


ఆ.⁠

ఇల్వలుండు ననుజు నెప్పటి క్రియఁ బిల్వ
నెఱిఁగి దాని నమ్మునీశ్వరుండు
గడుపుఁ [2]దడివికొనుచుఁ గఱ్ఱనఁ ద్రేఁచిన
నసుర జీర్ణ మయ్యె నాక్షణంబ.

⁠ 345


వ.⁠

ఇల్వలుండును మునివరుశక్తికి భయంపడి విషణ్ణుం డయ్యును బ్రసన్నుండపోలెఁ
దనవంచన యేర్పడకుండం గృతప్రణాముం డై దదాగమనప్రయోజనం బడిగిన
వానికి నగస్త్యుం డి ట్లనియె.

⁠ 346


సీ.⁠

“ఈ రాజవరులతో నేను ధనార్థి నై
                 వచ్చితి నీకు ద్రవ్యంబు గలుగు
టెఱిఁగి” నావుడు “నటులేని మీ
                 కభిమతమెంత యంతియ ధన మిత్తు” ననిన
“బదివేలు మొదవులు బదివేల గద్దియల్
                 పసిఁడియు నిమ్మహీపతుల కిమ్మ
యొక్కొక్కనికి; మఱి యొక్కని కిచ్చిన
                 దానికి [3]రెట్టిగోధనము నొక్క

⁠


ఆ.⁠

హేమమయరథంబు నిమ్ము నా” కనిన ని
ల్వలుఁడు దత్క్షణంబ తలఁచి యిచ్చె
నయ్యగస్త్యు చెప్పినంత ధనంబు ము
వ్వురు మహీపతులకుఁ గరము నెమ్మి.

⁠ 347


వ.⁠

మఱియు విరావ సురాపము లనునశ్వంబులం బూన్చిన సౌవర్ణరథంబును నిరువది
వేల మొదలు, నిరువదివేలగద్దెలపసిండియు మునివరున కిచ్చినం దద్రథంబున.

⁠ 348


క.⁠

మునివర నృపతులఁ, దద్గో
ధనకాంచనతతులఁ, దత్పతాకినులను నో
లిన తాల్చి యగస్త్యాశ్రమ
మునకుం దత్క్షణమ రథ్యములు వడిఁ బఱచెన్.

⁠ 349


వ.⁠

రాజర్షులు నగస్త్యు వీడ్కొని చని రంత నగస్త్యుండు లోపాముద్ర కభిమతం
బొనరించి.

⁠ 350


మధ్యాక్కర.⁠

“పదుండ్ర బోలెడుసుతుల నూర్వురఁ బడయంగ వలతొ?
పదుండ్ర నూర్వుర కెన యగుసుతులఁ బడయంగ వలతొ?
వదలక వేవురు సుతులఁ బడయఁగ వలతొ? వేవురకుఁ
గదియంగ నుత్తము నొక్కరు వలతొ? కమలాయతాక్షి!”

⁠ 351


వ.⁠

అనిన ముదితహృదయయై లోపాముద్ర మునీంద్రున కి ట్లనియె.

⁠ 352


క.⁠

“[4]దేవరఁ బోలెడువాని మ
హావీర్యగుణాఢ్యు నొక్కయాత్మజుఁ బడయం
గా వలతు; నపేతగుణుల్
వేవురుసుతు లయ్యు నెందు విఫలము కాదే?”

⁠ 353


వ.⁠

అనిన “నీ కోరినట్ల గుణవంతుం డయిన కొడుకు నీకు జన్మించు” నని దానికి గర్భా
దానంబు సేసి, యగస్త్యుండు [5]దపోవనంబున కరిగె; నిట లోపాముద్రయు
నేడేండ్లు గర్భంబు దాల్చె; నంత నక్కోమలికి.

⁠ 354


క.⁠

తనయుఁడు, దృఢస్యుఁ డనఁగా
ననవద్యుఁడు, వేదములు రహస్యంబులతో
నొనరఁగ జపంబు సేయుచు
నినతేజుఁడు పుట్టె భువన మెల్ల వెలుంగన్.

⁠ 355


వ.⁠

వానికిం దేజస్వి యను ఋషి పుట్టి యపారం బైనయిధ్మభారంబు వహించుటం

⁠
  1. ↑ నకుంఠితాత్ముఁ డై
  2. ↑ నిమిరికొనుచుఁ (దడివికొనుచుఁ) గడువడిఁ
  3. ↑ రెట్టిగా
  4. ↑ వేవురఁ బోలెడు ... గుణల్ ... నతులయ్యు
  5. ↑ దనరఁగ జపంబున కరిగె