శ్రీరస్తు
భరతరసప్రకరణము
సాంధ్రతాత్పర్యము
| | శృంగారరససందోహం శ్రితకల్పమహీరుహం, | 1 |
శృంగారవ్యాపారములకూటమియును, స్వాశ్రితజనులకోరిక లీడేర్చు కల్పకవృక్షమును, సంసారాదితాపత్రయశ్రాంతులగు జనులకు శాశ్వతబ్రహ్మానంద మొసఁగువాఁడునగు లక్ష్మీవల్లభుని నామనోరథసంపూర్తికొరకు నాశ్రయించెదను.
| | కంఠేనాలంబయేద్గీతం హస్తేనార్థం ప్రదర్శయేత్, | 2 |
నటనముఁ జేయునట్టి స్త్రీ మొదట గానము చేసి యావల గీతార్థమును హస్తాభినయములచేఁ దెలుపవలయును. నేత్రములచే భావమును దెలువవలయును. పాదములచేఁ దాళము నాచరించవలయును.
| | యతో హస్తస్తతో దృష్టిర్యతో దృష్టిస్తతో మనః, | 3 |
ఎచ్చట హస్తము చూపఁబడుచున్నదో అచ్చట దృష్టి నుంచవలయును. దృష్టి యుండుచోట మనసు నుంచవలయును. మన సుండెడుచోట భావ ముంచవలయును. ఎచ్చట భావ మున్నదో అచ్చట రసము గలుగుచున్నది.
