| ప్రత్యయావధిరత్ర స్యుః వికారాః కుటిలేక్షణం, | 274 |
భృత్యాదిక్రోధత్రితయమందును దానిదానికిఁ జెప్పఁబడిన క్రియలు దానిదానికిఁ గలుగును. మిత్రక్రోధాంతర్గతమైన స్త్రీపురుషులకోపములయందు స్త్రీమీది పురుషకోపము ప్రత్యయము గలుగునంతవఱకు నుండును. ఇందు వంకరచూపు, పెదవు లదరుట, కడకన్ను లెఱ్ఱనౌట, నిశ్వాసములు మొదలైనవి గలుగును.
| ద్వేథా నిగదితస్స్త్రీణాం రోషః పురుషగోచరః, | 275 |
| సపత్నీహేతుకో రోషః విప్రలంభే ప్రపంచ్యతే, | 276 |
పురుషవిషయమైన స్త్రీకోపము సపత్నీహేతుకమనియు, అన్యహేతుకమనియు, ఇరుదెఱఁగు లౌను. సపత్నీహేతుకమైనరోషము విప్రలంభమందుఁ జెప్పఁబడుచున్నది. అన్యహేతుకృతరోషమందు పురుషరోషమందుఁ గల క్రియలు గలుగును.
| ఏతే చ స్థాయినస్సర్వే విభావైర్వ్యభిచారిభిః, | 277 |
| సాక్షాత్కారమివానీతాః ప్రాపితా స్వాదురూపతాం, | 278 |
విభావవ్యభిచారిభావసాత్వికానుభావవ్యాపారరూపానుభావములచే సాక్షాత్కారమును బొందింపఁబడినట్లు అభినయగోచరములై స్థాయిభావములు స్వాదురూపతను బొందింపఁబడి సామాజికులమనమున రస మౌటను బొందుచున్నవి.