పుట:భక్తిరసశతకసంపుటము 3.pdf/86

వికీసోర్స్ నుండి
ఈ పుట అచ్చుదిద్దబడ్డది

శ్రీరమణీమనోహరశతకము

75


వనజభవాండమందుఁ గలవారలలో ననుబోలుదీనుఁ డే
మనుజుఁడు లేఁడు బ్రోవు నృపమండన శ్రీ...

42


శా.

రారా! రాజకు ప్రదీప రఘువర్యా వేగ రక్షింపరా
ఘోరం బైనభవాబ్ధిమధ్యమున మున్కుల్ సల్పి భీతి న్మహో
దారంబౌ భవదంఘ్రనానికునిచెంతం జేరితిన్ శ్రీహరీ
నేరం బెన్నక బ్రోవఁగాఁ దగు జగన్నేతా రమానాయకా.

43


ఉ.

ఘోరపరేతరాజభటకోటులశిక్షలు విన్నభీతిచే
సారసనేత్ర నీచరణసారసయుగ్మము చెంతఁజేరితిన్
సారవిహీనసంసృతివిషాదతరంగములందు నన్ను నే
భారము జెంద నీకు కృప భాసిల శ్రీ...

44


ఉ.

అంచితమైన నీసొబఁగు లాదరణాధికమైన క్రీడ లా
పంచశరార్తలైన వ్రజపల్లవపాణు లెఱింగి యౌ భళీ
యంచు నుతించి యెంచిన నుదంచితపంచమగీతి వారల
న్వంచన జేసి తీవు శ్రుతి పారగ శ్రీ...

45


ఉ.

ఆదరహాస మామృదువు లావగ లానగుబాటుమాట లా
హ్లాదముతోడ గోపికలఁ బాయఁగఁజాల నటంచు బల్కు ల
త్యాదరత న్మనోజశరతాపము నోర్వఁగలే నటంచు బ
ల్వాదులు బల్కుటెల్ల మదివాంఛలె శ్రీ...