పుట:భక్తిరసశతకసంపుటము 3.pdf/76

వికీసోర్స్ నుండి
ఈ పుట అచ్చుదిద్దబడ్డది

శుభమస్తు

శ్రీరమణీమనోహరశతకము

ఉ.

శ్రీరమణీయ హృజ్జలజసేవితము న్నిగమార్థపూరము
స్ఫూరితరంగమంగళసభోధుని కెల్లను నాలవాలమున్
సారమురందవిస్పురితసారసమౌ భవదంఘ్రియుగ్మమున్
గోరి భజింతు నెమ్మదిని గూరిమి శ్రీరమణీమనోహరా.

1


చ.

పరమతపఃప్రపూర్ణుల కపారధనంబగు నిత్యమంగళ
స్పురదరవిందసుందరవిశుద్ధచరిత్రవిలాసపూరమున్
వరకమలామనోజ్ఞశుభవర్ధనము న్భవదంఘ్రియుగ్మమున్
గురుతుగ నెమ్మదిం దలఁతుఁ గూరిమి శ్రీరమణీమనోహరా.

2


ఉ.

ఘోరతరాఘమత్తగజకోటి హరింప హరిద్వయంబు సం
సారమహాంధకారఘనసార మడంప దివాకరప్రభల్
భూరియజాండకోటులను బ్రోవఁగ దిక్కగు నీపదంబు లేఁ
గోరి భజింతు నెమ్మదిని గూరిమి శ్రీరమణీమనోహరా.

3