పుట:భక్తిరసశతకసంపుటము 3.pdf/732

వికీసోర్స్ నుండి
ఈ పుట అచ్చుదిద్దబడ్డది

సర్వలోకేశ్వరశతకము

717


తులువల్ మోక్షము నొందఁగాఁ గలరె యెందున్ సర్వ...

92


మ.

పరకాంతం గనినంతఁ గాముకుఁడు దుర్వ్యాపారచింతాపరం
పరలం దేలుచునుండు గాని యెద సౌభ్రాతృస్వభావైకవి
స్ఫురితుండై నిజసోదరీమణిగ నెచ్చోఁ జూడఁ డీపాపి సో
దరులుం దల్లియు స్త్రీలు గారొ తెలివొందన్ సర్వ...

93


మ.

తరుణీరూపము మాతృభావ మలరన్ ధ్యానించుటన్ ఘోరసం
సరణాంభోనిధి కంటియంటనిగతిన్ సర్వత్ర వర్తించుటల్
నరుఁ డెవ్వం డొనరించుచుండు నతఁడే నారాయణుం డాతఁడే
పరమాత్ముం డని చెప్పఁగాఁ దగును దేవా సర్వ...

94


శా.

తారుణ్యంబును బూర్తిగా నితరకాంతాదూరుఁ జై పుచ్చి ని
స్సారంబై తగునైహికావళి యెడన్ సంసర్గముల్ మాని యా
శారోషాదిపరాఙ్ముఖుం డయిన సౌజన్యాత్మ కన్ సన్నలం
జేరుంగాదె ప్రపంచమెల్ల గుణరాశీ సర్వ...

95


మ.

మహనీయుల్ కవిసార్వభౌములు సుధామాధుర్యవాక్పూగధూ
ర్వహనానార్థకవిత్వమాలికలచే రంజిల్లఁగాఁ జేయు నీ
మహితోరస్స్థలి దోషదూషితవచోమాలాదికం బుంచు నా