పుట:భక్తిరసశతకసంపుటము 3.pdf/725

వికీసోర్స్ నుండి
ఈ పుట అచ్చుదిద్దబడ్డది

710

భక్తిరసశతకసంపుటము


మ.

సదయాంతఃకరణాతిరేకమతి మించన్ విశ్వకళ్యాణసం
పదఁ గాంక్షించి యహింసయే మనుజధర్మం బంచు చాటించి య
భ్యుదయశ్రీసముపేతుఁడైన జినదేవోదారసత్యవ్రతా
స్పదవిజ్ఞానము నెంతు నెంతయు సుభావా సర్వ...

63


శా.

సారాచారులఁ బండితోత్తముల నాస్థానంబునం జేర్చి తత్
స్వారస్యార్థనిబద్ధనవ్యకవితాసంపత్తి నాలింపఁగా
నేరాజైనను బూనఁ డాంధ్రకవితాహేలాపతీవైభవ
శ్రీరమ్యంబు లదృశ్య మౌ టరుదె హారీ సర్వ...

64


శా.

పేరుం గైకొన నెంచి మేటికవులం బిల్పించి యాస్థానమం
దారూఢంబుగఁ జేర్చి కబ్బముల వ్రాయం బంచి పోనాడుభూ
దారుల్ పండితపక్షపాతు లొకొ నిత్యస్వైరసంచారభూ
దారప్రాయులుగాఁ దలంప నగుగాదా సర్వ...

65


శా.

పారావారపరీతభూవలయముం బాలించి సత్కీర్తివి
స్తారుల్ తొల్లిటిధారుణీశ్వరులు వీసం బేని గొంపోయిరే
తారుణ్యంబును రాజ్యవిస్తృతియు నిత్యంబంచు దుర్వారగ
ర్వారూఢాత్మకు లెంతు రిద్ది తగవౌనే? సర్వ...

66


మ.

ఘనదుర్దాంతవయోవిజృంభణమునన్ గర్వించి కన్నట్టు కాం
తను బోనాడక యెట్టులో గలిసి తత్తద్వ్యాధిపీడాదిసం