పుట:భక్తిరసశతకసంపుటము 3.pdf/719

వికీసోర్స్ నుండి
ఈ పుట అచ్చుదిద్దబడ్డది

704

భక్తిరసశతకసంపుటము


మ.

పలుకుల్ తేనెలసోన లీనఁ గరుణాభావంబు లేనవ్వు మో
మలరింపన్ గనుదోయి శాంతి(?)రంగంబై ప్రకాశింపఁగాఁ
దులువల్ వేసెడి బాహ్యవేషముల నర్థుల్ నమ్మి యాశామహా
జలధిన్ మగ్నము నొందుచుందు రఖిలేశా సర్వ...

38


శా.

తానే సర్వకళావిదుండ నను విద్యాశూన్యుఁ డొక్కండు వి
జ్ఞానప్రాభవశాలి నే నను దురాచారాత్ముఁ డొక్కండు ధ
ర్మానుష్ఠానపరాయణుండ నను మిథ్యాలాపి యొక్కండు సు
శ్రీనిత్యాత్మకుఁ డీకలిన్ గుణవిహారీ సర్వ...

39


మ.

తగవుల్ దిద్ది కళావిదగ్ధతల నుద్యద్రీతి సాటింపవ
చ్చుఁ గడున్ నీతులు ధర్మశాస్త్రములు నెచ్చో వల్లెఁ బెట్టంగ వ
చ్చు గుణాలంకరణాభిరాముఁడ నటంచున్ జెప్పుకో వచ్చు వా
క్కుగొనం బొక్కగతిన్ వెలార్ప వశ మొక్కో సర్వ...

40


మ.

పరులన్ సైపక దుష్టమార్గచరులై వర్తించు నిర్వేలదు
శ్చరితుల్ సంతతభోగభాగ్యవివిధైశ్వర్యాఢ్యులై మించుచుం
డిరి సత్యాత్ములు లేమిచే మిగులఁ గుంఠీభూతులై నొచ్చుచుం
డిరి పాపాత్ములె లోకపూజితులు తండ్రీ సర్వ...

41


మ.

చదువుల్ నేర్పఁగవచ్చు దుర్విషయసంసర్గంబు బోనాడవ
చ్చు దయాసత్యశుచిప్రచారముల నెచ్చో గూర్చుకోవచ్చు నె