పుట:భక్తిరసశతకసంపుటము 3.pdf/715

వికీసోర్స్ నుండి
ఈ పుట అచ్చుదిద్దబడ్డది

700

భక్తిరసశతకసంపుటము


శా.

బాలక్రీడలు కొన్నినాళ్లు సుకళావ్యాసంగముల్ కొన్నినా
ళ్లాలోలేక్షణు లైన కామినులభోగాపేక్ష గొన్నాళ్లు కొ
న్నాళుల్ దుస్తరరోగసంజనితచింతాదంతురక్షోభలం
గాలం బెట్టులొ పుచ్చు జీవి సుగుణాంకా సర్వ...

21


మ.

చలదంభోరుహపత్త్రవాఃకణగతిన్ స్థైర్యంబు లేకున్న మే
నులు నిక్కంబు లటంచు మత్తులయి మాన్యుల్ గూఢసర్వజ్ఞతా
ఫలముం బూడిదలోనఁ గల్పి విఫలప్రాయంపుఁ బ్రాయంపుఁగాం
తలకౌఁగిండ్ల మెలంగు టేల గుణగణ్యా సర్వ...

22


శా.

సారోక్తిప్రథమానకావ్యగతయోగాజాలశృంగారగా
థారంగంబులలోనఁ దృప్తుఁ డగుచో దారుణ్యపుంబొంగు చ
ల్లారుం జీవికి స్వైరసంచరణలీలాలోలకాంతారతే
చ్ఛారూఢాత్మున కిందునందుఁ గతి కద్దా!సర్వ...

23


మ.

పగులం గేలధరింప వీల్పడని మృత్పాత్రంబు చేబట్టి జీ
ర్ణగుణప్రావృతపూతిగంధమయవస్త్రం బెట్లొ మైదాల్చి య
ధ్వగరంగస్థలు లైనసత్రములచెంతం జేరుమర్త్యుల్ నినున్
నిగమజ్ఞేయుఁ దలంప రేమనెదఁ దండ్రీ సర్వ...

24


శా.

క్రూరుల్ గొందఱు సత్యమూర్తులకుఁ జిక్కుల్ గూర్చి యాత్మీయదు