పుట:భక్తిరసశతకసంపుటము 3.pdf/710



శ్రీరస్తు

సర్వలోకేశ్వరశతకము

శా.⁠

శ్రీరమ్యాత్మక! నిర్వికల్పమయమూర్తీ సచ్చిదానందశృం గారాకార ప్రసన్నదృగ్రుచిలసత్కారుణ్యభావాకర స్మేరాంకూరముఖాంబుజాత! భువనక్షేమంకరప్రక్రియా పారీణాత్మక నీకు మ్రొక్కెదను దేవా! సర్వలోకేశ్వరా.

⁠ 1

శా.⁠

ఓనిర్వ్యాజదయాభిరామసుకృతీ యోదీనసంరక్షణా దీనస్వాంతపయోజ! యోత్రిభువనస్థేమప్రసన్నాత్మ! ఓ హో నీరేజభవాండభాండభరణా! యుగ్రారిషట్కావృతున్ దీనున్ నన్ను సముద్ధరింప నగుఁగాదే సర్వ...

⁠ 2

మ.⁠

ధనధాన్యంబులఁ గోర్కి లేదు, పరవిత్తద్రోహదుష్కర్మసం జనితానందము నొల్ల నెల్లపుడు నీసారళ్యకారుణ్య మొం ద నపేక్షించితి నయ్య మత్కలుషసంతానంబుఁ బోకార్చి న న్ననురాగంబున నేలుకోనగుఁ గదయ్యా సర్వ...

⁠ 3