పుట:భక్తిరసశతకసంపుటము 3.pdf/706

వికీసోర్స్ నుండి
ఈ పుట అచ్చుదిద్దబడ్డది

శ్రీముకుందరాఘవశతకము

691


ఉ.

మంగళ ముర్విజాపతికి మంగళ మర్కకులేంద్రమౌళికి
న్మంగళ ముర్విభద్రనగమండనవర్తికి రామమూర్తికి
న్మంగళ మర్థిలక్షణమనఃకమలైకవిలాసవర్తికి
న్మంగళ మెప్డుఁ గావలయు మాధవ మీకు ము...

246


ఉ.

వందన మాచరించెదఁ గృపాజలరాశికి బ్రహ్మరుద్రసం
క్రందనపూజితాంఘ్రికి నఖండపరాక్రమశాలికిన్ దశ
స్యందననందనాగ్రణికి నబ్జసుధాధరకీర్తికిన్ జగ
త్సుందరమూర్తి వైనరఘుసూనుఁడ మీకు ము...

247


ఉ.

శ్రీరమ భూమినందనయు శేషుఁడు లక్ష్మణుఁ డావికుంఠ మి
ద్ధారుణి భద్రశైలమన దాసులఁ బ్రోవ వసించినట్టి సు
శ్రీరఘురామ చక్రి మిము జేరితి ధన్యుఁడనైతి నోశుభా
కార తనూవిలాసజితకంధరబృంద ము...

248


ఉ.

రామకథాప్రపంచమును వ్రాసినఁ జెప్పిన సంస్మరించినన్
భూమసుఖాప్తు లై జనులు మోదముఁ జెందుదు రంతమందు శ్రీ
రామయటంచు నొక్కపరి రక్తిఁ దలంచిన ముక్తి గల్గుఁగా
నేమిట గల్లబోదు రుచి నెప్డు బఠింప ము...

249