నిల గంగానదిఁ జంద్రఖండమును దా నిందుం దుదింగాంచు నీ
చెలువంబంతయు నీ మహత్త్వమిదిగా శ్రీకాళహస్తీశ్వరా!106
మ. తమ నేత్రద్యుతిఁ దామెచూడ సుఖమై తాదాత్మ్యమున్గూర్పఁగా
విమలమ్ము ల్కమలాభము ల్జితలసద్విత్యుల్లతాలాస్యముల్‌
సుమనోబాణజయప్రదమ్ములనుచు న్జూచున్‌ జనంబూని హా
రిమృగాక్షీనివహమ్ము కన్నుఁగవలన్‌ శ్రీకాళహస్తీశ్వరా!107
మ. పటవద్రజ్జుభుజంగవద్రజత విభ్రాంతి స్ఫురచ్ఛుక్తివ
ద్ఘటవ చ్చంద్రశిలాజపాకుసుమ రుక్సాంగత్యవత్తంచు వా
క్పటిమల్నేర్తురు చిత్సుఖంబనుభవింపన్‌ లేక దుర్మేధసుల్‌
చిటుకన్నం దలపోయఁజూతురధముల్‌ శ్రీకాళహస్తీశ్వరా!108
మ. నిను నిందించిన దక్షుపైఁ దెగవో వాణీనాథు శాసింపవో
చనునా నీ పదపద్మ సేవకులఁ దుచ్ఛంబాడు దుర్మార్గునింన్‌
బెనుపన్నీకును నీదు భక్తతతికిన్‌ భేదంబు గానంగ వ
చ్చెనో లేకుండిన నూఱకుండఁగలవా శ్రీకాళహస్తీశ్వరా!109
మ. కరిదైత్యున్బొరిగొన్న శూలము కరగ్రస్తంబుగాదో రతీ
శ్వరునిన్‌ గాల్చిన ఫాలలోచన శిఖావర్గంబు చల్లాఱెనో
పరనిందాపరుల న్వధింపవిదియున్‌ భావ్యంబె వారేమి చే
పుట:భక్తిరసశతకసంపుటము 3.pdf/69
ఈ పుట అచ్చుదిద్దబడ్డది
