పుట:భక్తిరసశతకసంపుటము 3.pdf/626

⁠

దత్తము జేసినారు గురుదైవము నిద్దరు నాకు నీవె సా క్షాత్తు నిజస్వరూపమును కన్నులఁ జూపుము కాంక్ష దీరఁ నన్ రక్షక కాళహస్తి బుధరంజక సాంబశివా మహాప్రభో.

⁠ 43

చ.⁠

కొడుకులు లేకలేక యొకకోకిలవాణి సుపుత్రుమాఱుగా నుడుతను దెచ్చి పెంచుకొని యుగ్రుని పేరిటఁ బిల్చి రార యో కొడుకని ముద్దులాఁడగను గొమ్మకు నప్పుడు గర్భచిహ్నలై కడుపు ఫలించె సంపదలు కన్నులఁ జూపె సమస్తకర్మముల్ విడిచెను కాళహస్తి వృషభేశ్వర సాంబశివా మహాప్రభో.

⁠ 44

ఉ.⁠

స్థిరముగ నీదుదర్శనముఁ జేసిననాఁడె యనేకపాపముల్ పరిహరమాయెఁ గర్మములు పాఱఁదొలంగె దరిద్రదుఃఖముల్ దరికొని కాలసాగె రజరాద్రి కనుంగొనఁ ద్రోవఁ జిక్కె యో పరమశివుండ మోక్షమనుపర్వత మెక్కితినయ్య యోహరా హరహర కాళహస్తి హరివందిత సాంబశివా మహాప్రభో.

⁠ 45

చ.⁠

పొదలెడి నాదరిద్రములు పోయెను మిమ్ములఁ జూడఁగా నహా కుదిరెను మామనస్సు వృషఘోటకభీష్మభవాంధకారముల్ వదలెను నేఁటితోను మనవాంఛను వచ్చిన కాలకింకరుల్ ఒదిగిరి మూలమూల నిఁక నూఱక శంభుని నామకీర్తనల్ చదివెదఁ కాళహస్తి త్రిపురాంతక సాంబశివా మహాప్రభో.

⁠ 46