పుట:భక్తిరసశతకసంపుటము 3.pdf/622

వికీసోర్స్ నుండి
ఈ పుట అచ్చుదిద్దబడ్డది


కాశి మహాప్రవాహజలకాలువలై ప్రవహించుతోయ మా
కాశిజలంబు గాదె శివకాశిభవుండవు నీవె కావె యా
కాశికి బోవ నాసకలకర్మజముల్ బెడఁబాసి పోనె భూ
తేశుఁడ కాళహస్తి భువనేశ్వర సాంబశివా మహాప్రభో.

29


ఉ.

బట్టలు పిండి కట్టుకొని భక్తిగ సంధ్యల నెంత వార్చినన్
బట్టెఁడు చేతిలోన నొకభక్తుని కైన నతీతభిక్షముల్
పెట్టక ముక్తి లేదు మును పేమియునైనను పెట్టి పుట్టితే
పుట్టికి నూఱుపుట్లు శివపూజలు నూటికి కోటివేలు నీ
దిట్టము కాళహస్తి భువనేశ్వర సాంబశివా మహాప్రభో.

30


చ.

తెలివిగనున్నవాఁడె యుపదేశముఁ బొంది శివా శివా యనున్
పలుకులు సంగ్రహించుకొని భావమునందున ముక్తికాంతతోఁ
గలిసి సుఖింపలేక నరకంబునఁ బాపపుఁగశ్మలంబులో
బలిమిగ దూరిపోయి యమబాధల కోపిరి కష్టజీవు లై
సలలితకాళహస్తి బుధశంకర సాంబశివా మహాప్రభో.

31


ఉ.

హా పరమాత్మ యంచు చతురక్షరిప్రాణప్రతిష్ఠమంత్రని
క్షేపము మాకు కావలయుఁ గేవలమున్న సదాశివా యనే
యాపదబాంధవుండ త్రిపురాంతక రుద్రుని నామకీర్తనల్