పుట:భక్తిరసశతకసంపుటము 3.pdf/620

వికీసోర్స్ నుండి
ఈ పుట అచ్చుదిద్దబడ్డది


ఉ.

జీవుఁడు వచ్చిపోవుక్రియ చిక్కఁగ నీయక చచ్చిపుట్ట నీ
లాగున నిట్టిజన్మములు లక్షలు కోట్లన విందు నందు నా
దేవుఁడ యేమి సార్ధకము మానసమందున నిన్ను నమ్మినన్
కేవలమున్ను మోక్షపురి కెత్తుకపోయి తరింపఁ జేతువో
ధీరుఁడ కాళహస్తి జగదీశ్వర సాంబశివా మహాప్రభో.

22


ఉ.

ఏమిఘటంబు ఏమిబ్రతు కేమిశరీరము ఏమిదేహమున్
ఏమిసుఖంబు ఏమి యిది యెన్నఁటికైనను చావు సిద్ద మీ
భూమిని యిట్టిజన్మములు పుట్టినఁ గిట్టినఁ మోక్ష మేమి నా
స్వామికథాసుధామృతరసజ్ఞతఁ జెందిన ముక్తి గల్గునే
దీనుఁడ కాళహస్తి జగదీశ్వర సాంబశివా మహాప్రభో.

23


ఉ.

ఎక్కడి చుట్టపక్కములు నెక్కడిపుత్రులు తల్లిదండ్రులున్
ఎక్కడి సంతపట్టునది యెక్కడనైన ఫలించియుండెనా
ఎక్కడ దేశదేశములు నండజము ల్జత ప్రొద్దుగ్రుంకితే
ఎక్కడిపక్షు లక్కడనె యెవ్వరిబాటలు వారివారికే
నిక్కము కాళహస్తి నిటలాక్షుఁడ సాంబశివా మహాప్రభో.

24


చ.

పులివలె యీఘటంబు పడిపోయినపిమ్మట గాలి గాలిలో
పలను ఋణానుబంధప్రతిబాధ్యత నున్నకళేబరంబులో
నిలుచు నటన్న స్వగృహము నీడను బాసితె ఆఁకటింటిలో