పుట:భక్తిరసశతకసంపుటము 3.pdf/62

వికీసోర్స్ నుండి
ఈ పుట అచ్చుదిద్దబడ్డది

     నను నేఁజూచియు నావిధుల్దలఁచియున్నాకే భయంబయ్యెడుం
     జెనకుంజీకటినాయెఁ గాలమునకున్‌ శ్రీకాళహస్తీశ్వరా!76
మ. పరిశీలించితి మంత్రతంత్రములు చెప్పన్వింటి సాంఖ్యాది యో
     గరహస్యంబులు వేదశాస్త్రములు వక్కాణించితిన్‌ శంకవో
     దరయం గుమ్మడికాయలోను యవగింజంతైన నమ్మించి సు
     స్థిరవిజ్ఞానము త్రోవఁ జూపగదవే శ్రీకాళహస్తీశ్వరా!77
మ. మొదలంజేసిన వారి ధర్మములు నిర్మూలంబుగాఁ జేసి దు
     ర్మదులై యిప్పుడు వారధర్మములొనర్పం దమ్ము దైవంబు న
     వ్వదె? రానున్న దురాత్ములెల్ల దమ త్రోవంబోవరే యేలచే
     సెదరో మీఁదు దలంచి చూడకధముల్‌ శ్రీకాళహస్తీశ్వరా!78
శా. కాసంతైన సుఖంబొనర్చునొ మనఃకామంబు లీడేర్చునో
     వీసంబైనను వెంటవచ్చునొ జగద్విఖ్యాతిఁ గావించునో
     దోసంబుల్పెడఁబాపునో వలసినందోడ్తో మిముంజూపునో
     ఛీ! సంసారదురాశలేలుడుపవో శ్రీకాళహస్తీశ్వరా!79
మ. ఒకపూఁటించుక కూడు తక్కువగునే నోర్వంగలేఁ డెండకో
     పక నీడన్వెదకుం జలికింజడిసి కుంపట్లెత్తుకోఁ జూచు వా